Victor Smith: Verskil tussen weergawes

'''Victor Smith''' (1913-2001) het as baanbreker-[[vlieënier]] bekend geword toe hy in 1932 in ‘n enkelsitplek-dubbeldekkervliegtuig met ‘n oop stuurkajuit van [[Kaapstad]] na [[Londen]] gevlieg het.

Victor Smith is in 1913 in [[Ficksburg]] gebore en voltooi sy skoolopleiding aan Kingswood Kollege op [[Grahamstad]]. Sy pa was ‘n skoenfabrikant met fabrieke op Ficksburg en George en het oor ‘n vliegtuig beskik om sy fabrieke te besoek. Victor is in 1927 beïndruk deur Charles Lindburgh se solovlug oor die Atlantiese Oseaan. As seun bou hy reeds sy eie vliegtuig in ‘n slaapkamer van sy ouerhuis en later in sy vader se skoenfabriek op George.So bou hy besondere kennis en ervaring op as vlieënier, oor lugvaartingenieurswese, aerodinamika en vliegtuigontwerp. Smith geniet lugakrobatiek en ontwikkel so ‘n besondere behendigheid met vliegtuie. In 1930 kry hy in Port Elizabeth formele vliegonderrig in ‘n Cirrus Moth. Die volgende jaar neem hy George Bernard Shaw vir Shaw se eerste vlug. Smith is ‘n vlieënier vir 46 jaar en bou meer as 7 000 vliegure op. In die jare doen hy 21 gedwonge landings weens masjienprobleme sonder om ooit ‘n vliegtuig te verloor.

Smith se betrokkenheid by die vliegkuns het die masjiene van vliegtuie meer betroubaar gemaak.