Kleinmond

Kleinmond

Kleinmond is 'n kusdorp in die Wes-Kaap, magistraatsgebied Overberg, tussen Bettiesbaai en Hawston-Hermanus.

Dit het 'n permanente bevolking van ongeveer 4000 persone, maar word in vakansietye deur ongeveer 20 000 mense bewoon.

Kleinmond se ekonomie is hoofsaaklik van toerisme afhanklik. Die dorpie se dienstesektor is goed ontwikkel en maak voorsiening vir die meeste behoeftes van sy inwoners en besoekers. Dit is ook 'n gesogte aftree-dorp.

Omgewing

Die Palmietrivier-opvanggebied aan die weste is 'n ekologiese sensitiewe area, waar van die beste Fynbos gesien kan word. Die rivier met sy donker, palmietwater is ook 'n gesogte swemplek-een van die min riviere in die Wes-Kaap waar mense in suiwer water kan swem.

Nog verder is daar die Kogelberg Natuurreservaat, waar mense slegs met die nodige permitte kan ingaan.

Aan die oostekant van die dorp is daar 'n toegangspad na die Botrivier-vlei, 'n gebied waar die beroemde wilde perde gedy, en voelkykers die bedreigde Swart-tobie kan sien.

Die bergreekse agter die dorp het ontwikkelde wandelpaaie wat manjifieke uitsigte op die kuslyn en vleie-landskap bied.