N7 (Suid-Afrika): Verskil tussen weergawes

Namakwaland is bekend vir sy blommeprag gedurende die lente. Van Vanrhynsdorp draai die N7 geleidelik noordoos, gaan oor die [[Sishen-Saldanha Spoorlyn]] en 70km vanaf Vanrhynsdorp word die klein plekkie [[Nuwerus]] teegekom. Die area tussen Vanrhynsdorp en Nuwerus word die [[Knersvlakte]] genoem. Sewentien kilometer later word verby [[Bitterfontein]] gery en 61km later word [[Garies]] bereik. Ongeveer 30km voor Garies het die reisiger die [[Noord-Kaap]] binne gegaan. Van Garies na [[Kamieskroon]] is 46km en nog 68km verder is [[Springbok]] nadat die N7 eers oor die [[Burke'spas]] gegaan het. Springbok staan bekend as die 'hoofstad van Namakwaland'. Daar is kopermyn bedrywighede in die omgewing. [[Nababeep]] is net 'n entjie verder vanaf Springbok(weg van die N7) en het die grootste kopermyne. Die [[N14 (Suid-Afrika)|N14]] nasionale pad begin ook hier by Springbok. Vanaf Springbok is dit net 7km na [[Okiep]], nog 'n myndorp en 42km verder noord kom die reisiger die dorpie [[Steinkopf]] teë. Daar moet nog 67km gereis word voordat die grenspos en dorpie [[Vioolsdrif]] bereik word by die [[Oranjerivier]]. Hier hou die N7 op en aan die [[Namibië]] kant word die pad die B1 genoem.<ref>Op pad in Suid-Afrika. 1995</ref><ref>Padlangs deur Suid-Afrika. 2010. ISBN 978 -1 -77007 -751 -5</ref>