Piesangvlermuis

Die Piesangvlermuis (Neoromicia africanus) kom in die oostelike dele van Suid-Afrika, Botswana, Zimbabwe en die hele Mosambiek voor.

Voorkoms

Die soogdier se kleur wissel van donkerbruin tot lig rooibruin. Die onderkant is ligter, meer grysbruin. Die diertjie word tot 8cm lank en weeg ±4g. Sy mond is groot en die ore is driehoekig.

Habitat en gewoontes

Hulle verkies vogtige boomveld met piesang- en strelitziabome. Klein kolonies rus bedags binne-in 'n opgerolde piesang- of strelitziablaar. Hulle eet insekte. Daar word 1 kleintjie vroeg in die somer gebore.

Sien ook

• Lys van Suider-Afrikaanse soogdiere
• Lys van Suider-Afrikaanse soogdiere volgens wetenskaplike name
• Suider-Afrikaanse soogdiere en hul ordes

Bron

• Die Soogdiergids van Suider-Afrika. Burger Cillié. 2009. ISBN 978-1-875093-46-5