Titanestryd

Die Titanestryd is ’n verhaal uit die Griekse mitologie wat handel oor die oorlog tussen die Titaanse en Olimpiese gode.

Die Titanestryd

Agtergrond

Kronos was die leier van die tweede Griekse goderyk die Titane nadat hy sy pa, Uranos, die lug, ontman het op versoek van sy ma, Gaia, die aarde. Uranus het hom die gramskap van Gaia op die hals gehaal toe hy haar reusagtige jongste kinders, die honderdhandiges en die siklope, in Tartaros wegsteek. Toe Kronos sy pa se bewind oorneem, het Uranus voorspel dat Kronos se bewind ook deur sy eie kinders onvergewerp sou word.

Nadat Kronos die gode Demeter, Hera, Hades, Hestia en Poseidon by sy vrou, Rhea, verwek het, het hy hulle net ná hul geboorte ingesluk om sy pa se voorspelling te voorkom. Toe die sesde kind, Zeus, gebore word, het Rhea vir Kronos ’n klip, in klere toegedraai, gegee en hy het dit ingesluk. Rhea het Zeus toe in Kreta weggesteek, waar hy grootgeword het.

Die oorlog

Toe Zeus ’n volwasse man was, het hy Kronos gedwing om die klip en sy broers en susters in omgekeerde volgorde op te bring. In ’n dekade lange oorlog het Zeus en sy broers Kronos se bewind omvergewerp met die hulp van die honderdhandiges en siklope wat hy vrygelaat het.

Die meeste Titane is daarna in Tartaros gevange gehou. Van hulle, soos die tweeling Prometheus en Epimetheus, het nie aan die Titanestryd deelgeneem nie en is nie gestraf nie. Zeus het Atlas, wat aan die Titane se kant was, gestraf deur hom op die aarde (Gaia) te laat staan terwyl hy die hemelruim (Uranos) op sy skouers dra om dié twee oergode uitmekaar te hou.

Verwysings

Hierdie artikel is merendeels vertaal vanaf die Nederlandse Wikipedia-artikel [1]