Waenhuiskrans: Verskil tussen weergawes

Tydens die [[Tweede Wêreldoorlog]] was dit nie alleen die [[Suidelike noorkapper|suidelike noorkapper]]walvisse wat Waenhuiskrans besoek het nie, maar ook ander grys burgers van die see wat langs die diep kus verbybeweeg en vlugtig opgekom het om toegang tot die strand te verkry. Dit was U-bote van die Nazi-regering wat 133 skepe langs die Suid-Afrikaanse kus tussen [[1942]] – [[1945]] gesink het. Die see naby [[Kaap Agulhas]] was die middelpunt van die Unterboot-bedrywighede. Soos die Hollandse matrose van ouds, het die Duitse bemanning vars verversings nodig gehad, maar hierby ook diesel. Die Nazi-ondersteuners uit die kontrei was tog te bly om vars plaasprodukte te voorsien. Volgens oorlewering het daar geheime tennisspele op die strand by Arniston plaasgevind. Net ’n hanetreetjie van Potberg af, langs De Hoop se kus, het die U-bote in die diepe waters geskuil. ’n Bekende palingvisserman is aangestel om op die uitkyk na U-bote te wees. ’n Spesiale telefoonverbinding is vir hierdie doel geïnstalleer. ’n Witsandwinkelier het die Duitse bemanning met diesel verskaf, totdat die polisie ingelig en sy gewaarsku is dat ’n lokval gestel is. <ref>''Overberg Tapestry''. Leslie Howard. 2004. Bl. 152. ISBN 0-9584766-1-6 </ref>

 

{{Verwysings}}

* Op pad in Suid-Afrika. BPJ Erasmus. 1995. ISBN 1-86842-026-4

 

<gallery>

Lêer:Arniston.jpg|'n Blik oor Arniston.

</gallery>

 

[[Kategorie:Nedersettings in die Wes-Kaap]]