Tartarye: Verskil tussen weergawes

'''Tartarye''' is die historiese benaming van Middel-Asië, Noord-Asië en dele van [[Oos-Europa]]. Hierdie gebied was die tuisland van die [[Tartarstan|Tatare]], 'n sambreelterm wat vroeër algemeen gebruik is om na [[Mongolië|Mongole]] en [[Turkye|Turkse]] volkere te verwys, en die gebied waaroor die [[Mongoolse Ryk]] en sy opvolgerstate beheer gehad het. Voor die tyd van die ontdekkingsreisigers [[Zheng He]] en [[Christophorus Columbus]] het Europeërs dikwels na alle onbekende gebiede buite [[Europa]] en [[Afrika]] as Tartarye verwys.

Die term ''Tartarye'' is vanaf die [[middeleeue]] tot in die [[19de eeu]] deur Europeërs gebruik, maar is deur moderne terme vervang nadat westelike verkenners met wetenskaplike navorsing oor die betrokke Asiatiese gebiede begin het en die politieke omstandighede en etniese identiteite met die uitbreiding van die [[Russiese Ryk]] en die vestiging van Russiese setlaars ingrypend verander het. In die Russiese konteks is die term ''Tartarye'' gewoonlik vervang met ''[[Siberië]]''.

* Klein- of Europese Tartarye wat die steppegebiede van Oos-Europa noord van die [[Swartsee]] behels en die Khanate Astrachan, Kasan en veral die Khanat van die Krim-Tatare met die Krim-skiereiland en die streke langs die benedeloop van die [[Dnjepr]]- en [[Don]]-riviere ingesluit het.

* Hoog- of Sjinese Tartarye met Oos-Toerkestan, Mongolië en soms ook [[Tibet]] wat deel uitgemaak het van die Sjinese Ryk.

* Moskowitiese of Russiese Tartarye wat na gelang van die Russiese uitbreiding dele van [[Siberië]] en Toerkestan behels het.