Eric Louw: Verskil tussen weergawes

In 1924 word hy verkies tot volksraadslid vir [[Beaufort-Wes (kiesafdeling)|Beaufort-Wes]], en die volgende jaar word hy die eerste Suid-Afrikaanse handelskommissaris in die [[Verenigde State van Amerika]] en [[Kanada]]. In 1929 word hy die Hoë Kommissaris in [[Londen]] en die volgende jaar die eerste Suid-Afrikaanse ambassadeur in die Verenigde State. Daarna verteenwoordig hy sy land in [[Italië]], [[Frankryk]] en [[Portugal]]. Hy was ook die eerste Suid-Afrikaanse verteenwoordiger by die [[Volkebond]]. Hy keer terug na Suid-Afrika om meer by die politiek betrokke te raak. In 1938 word hy weer verkies tot volksraadslid vir Beaufort-Wes. Toe die [[Nasionale Party]] die algemene verkiesing in 1948 wen, was hy 'n gewisse keuse vir die kabinet, eers as minister van ekonomiese sake, toe as [[Minister van Finansies|minister van finansies]] vanaf 1955. In 1957 word hy minister van buitelandse sake.<br>