Tsitsikamma (streek): Verskil tussen weergawes

Content deleted Content added
No edit summary
Lyn 1:
Die oostelike deel van die [[Tuinroete]] tussen [[Knysna]] en [[Humansdorp]] is wyd bekend om sy besondere natuurskoon. In hierdie gebied lê die '''Tsitsikamma'''.
 
Streng gesproke begin die Tsitsikamma by die [[Bloukransrivier]] (die grens tussen die Oos- en die Wes-Kaap) in die weste, met die see naby [[Jeffreysbaai]] as die oostelike grens. Die [[Tsitsikammaberge]] vorm die noordgrens en waar die berge aan die oostekant eindig, vorm die Kromrivier die grens tot by die see tussen Jeffreysbaai en [[St FRancisbaai|St. Francisbaai]]. Die [[Indiese Oseaan]] vorm die suidelike grens. Deur toerisme-belange word die [[Keurboomsrivier]] egter dikwels as die wesgrens van die Tsitsikamma aanvaar.
 
Die Tsitsikamma val in twee dele uiteen. Die Bo-Tsitsikamma aan die westekant bestaan oorwegend uit natuurlike bos en plantasies met tussenin plase. Vroeër was die arm boswerkers in hierdie deel gevestig. In die Onder-Tsitsikamma is meer bewerkte landbougrond en weinig plantasies.
 
Die gebied is bekend vir sy berge, bosse, strome, klowe en ongerepte kuslyn. Verskeie riviere in gewoonlik diep valleie deurkruis die gebied. Dit reën dwarsdeur die jaar, die klimaat is matig en selde is daar sneeu op die bergpieke. Die inheemse bome en die fynbos is ‘n aanduiding van die suur grond. Hier is die tuiste van die opregte en Outeniqua-geelhout[[Outenikwageelhout]], ysterhout, hardepeer, stinkhout en ander inheemse houtsoorte.
 
Geen werklike dorpe lê binne die streek nie. Klein vestigings is Coldstream, [[Stormsrivier]], [[Thornham]] en [[Clarkson]]. [[Kareedouw]] (in die [[Langkloof]]) en Humansdorp is die naaste dorpe.
 
Ekonomiese aktiwiteit het begin met die kap van bome in die inheemse woude. Teenswoordig is daar groot denneplantasies en saagmeulens. Veral in die oostelike deel is daar groot plase met melkvee. Veldblomme is ook ‘n bron van inkomste. Die oopstel van die groot brûe oor die diep riviere en die tolpad in 1984 het die ekonomie en toerisme gestimuleer. Rondom en by die mond van die Stormsriver is ‘n deel van die Tuinroete Nasionale Park met sy Ottervoetslaanpad[[Otterwandelpad]. Eersterivierstrand en Oubosstrand is as strandoorde ontwikkel. Vanaf die brug oor die Bloukransrivier vind die wêreld se hoogste rekspronge plaas.
 
Aan die verraderlike stuk kuslyn tussen Stormsriviermond en Kaap St. Francis lê ‘n 20 skeepswrakke. Hier is ook die [[Klasiesriviergrotte]] wat tekens opgelewer het dat daar reeds menslike bewoning was in die Steentydperk. Oorweging word geskenk daaraan om hierdie grotte tot Wêrelderfenisgebied te verklaar.