In die algemene verkiesing wen Alexander MacCallum met sy tweede probeerslag in Woodstock vir die S.A.P.-Koalisie met 'n meerderheid van 1 263 teen die Arbeider D. McWilliams. [[Harry Gordon Lawrence]], minister in genl. [[Jan Smuts]] se kabinet tot die val van die V.P.-regering in 1948, wen in 1938 met 681 stemme meer as die Arbeider dr. Robert Forsyth, in 1920 en van 1921 tot 1924 LV vir [[Kaapstad-Tuine (kiesafdeling)|Kaapstad-Tuine]]. In 1943 word James Hamilton Russell met 'n meerderheid van 3 575 stemme bo die Kommunistiese Party se H. Snitcher verkies. Hy behou Woodstock in 1948 teen die onafhanklike G.E. Ferry met 'n meerderheid van 2 132 stemme, maar voor die 1953-verkiesing word Woodstock finaal afgeskaf sodat Hamilton Russell van 1953 tot 1963 LV vir [[Wynberg (kiesafdeling)|Wynberg]] was.
