George Thom: Verskil tussen weergawes

| Geboortedatum = 178816 Junie 1789

| Geboorteplek = Aberdeen, Skotland

| Sterftedatum = 11 Mei 1842 (ong. 5452 jaar oud)

| Sterfteplek = Kaapstad, Kaapkolonie

| Kweekskool = Universiteit van Aberdeen, Skotland

Thom was een van die eerste drie Skotse predikante wat in die NG Kerk gearbei het en was, soos di. [[John Evans]] (van 1818 tot 1823 die eerste leraar van die [[NG gemeente Cradock]]) en ds. [[John Taylor]] (eerste leraar van die [[NG gemeente Beaufort-Wes]]), eers sendelinge van die [[Londense Sendinggenootskap]]. Hy doen die Kaap aan in 1812 op pad na [[Kolkata]] in [[Indië]] as sendeling vir die L.S.G. Hy het so 'n gunstige indruk op 'n Skotse regiment gemaak wat hier gestasioneer was en self so baie van die plek gehou, dat hy verlof kry om hier te bly. Teen 1817 het hy waarnemende superintendent van die genootskap geword en in dié hoedanigheid verwelkom het [[Robert Moffat]] en ander sendeling aan die Kaap. Nadat hy sy misnoeë met sekere optrede van die L.S.M. te kenne gegee het, bedank hy in 1818 uit die genootskap.

Hy tree in 1818 in diens as leraar van die NG gemeente op [[Caledon]]. Dit het eers gebeur nadat die goewerneur hom vergewis het dat die leer van die Presbiteriaanse Kerk in [[Skotland]] in alle opsigte met dié van die Gereformeerde Kerk aan die Kaap ooreenstem en hy ook die mening van die hoofregter ingewin het. Terwyl hy in 1821 met verlof in sy geboorteland was, ken die Universiteit van Aberdeen, aan wie se teologiese kweekskool hy hom as predikant bekwaan het, 'n eredoktersgraad in die teologie aan hom toe.

Op [[6 November]] [[1825]] word hy op [[Caledon]] as die nuwe leraar verwelkom deur ds. [[Henry Sutherland]], wat in die oggend 'n rede uitgespreek het oor Titus 2:7, 8, terwyl dr. Thom in die namiddag sy intreepreek gelewer het na aanleiding van 2 Tim. 3:16. Met dié geleentheid was daar 'n groot skare teenwoordig. Dr. Thom was egter nie die kerkraad se eerste keuse nie, want hulle wou hê dat die sending Arie Vos die nuwe leraar word. Die kerkraadsnotule meld nie wat die uitslag van die versoek aan die goewerneur lord [[Charles Somerset]] was nie, behalwe dat die koloniale sekretaris 'n brief aan die kerkraad geskryf het om te vra waarom dié versoek nie deur die kommissaris-politiek gedoen is nie, waarop die kerkraad geantwoord het dat dit sonder enige oogmerk teen die kommissaris-politiek geskied het.