Verskil tussen weergawes van "Eben Dönges"

1 262 grepe bygevoeg ,  8 jaar gelede
geen wysigingsopsomming nie
== Vroeë lewe ==
Dönges was die seun van eerw. Theophilus Christiaan Dönges en Cornelia Hendrika Appeldoorn Cruywagen. Hy het in [[Kroonstad]] en [[Boshof]] skoolgegaan en het in 1915 aan die Hoërskool Robertson gematrikuleer. Hy is vir harde werk beloon met die Thomas Louwbeurs en is gevolglik na die [[Universiteit Stellenbosch|Victoria-kollege]] waar hy ’n aktiewe rol gespeel het in die studentelewe waar hy ondervoorsitter van die studenteraad was. In 1918 verwerf hy die B.A.- en in 1919 die M.A.-graad in filosofie, wat hy albei met lof geslaag het. Hierdeur word hy beloon met die Koningin Victoria-toekenning vir oorsese studie maar hy het dit nie benut nie. In 1920 het hy registratuur van die [[Vrystaat]]se Regter-president, Etienne de Villiers, in [[Bloemfontein]] geword en in die regte begin studeer. Die volgende jaar is hy na Engeland waar hy in 1922 die LL.B.-graad aan die [[Universiteit van Londen]] met lof behaal. In 1923 het hy dit opgevolg met ’n soortgelyke graad van die [[Universiteit van Suid-Afrika]], terwyl hy aan die London School of Economics gestudeerd het en deur middel van die Middle Temple tot die balie toegelaat is. Hy het aan die einde van 1923 terugkeer na Suid-Afrika en in 1925 verwerf hy die LL.D.-graad aan die Universiteit van Londen.
 
== Koerantman ==
Na sy terugkeer in Suid-Afrika het Dönges in 1924 redakteur van die nuwe weekblad van die NP, The South African Nation, geword en dit gebly tot die einde van die blad se bestaan in 1928. Tergelykertyd was hy van Julie 1924 tot Julie 1927 assistent-hoofredakteur van [[Die Burger]]
 
== Toetrede tot die politiek ==
Benewene sy dubbele redaksionele betrokkenheid is hy ook in 1924 in [[Pretoria]] tot die Transvaalse balie toegelaat en nadat hy sy werk by Die Burger laat vaar het, is hy in 1927 ook tot die Kaapse balie toegelaat. Van 1929 tot 1939 het hy as deeltydse regsadviseur vir die Kaapse Provinsiale Administrasie opgetree, hoewel hy reeds in 1937 tot die Vrystaatse Afdeling van die Hooggeregshof toegelaat is. In 1939 het hy senior advocaat geword en tot 1948 gepraktiseer. Hy was een van enkele Suid-Afrikaners wat ’n saak voor die Geheime Raad in Londen behartig het. Tesame met sy regswerk was hy ook deeltijdse lektor in die regte aan die [[Universiteit van Stellenbosch]] waar hy die uitleg van wette gedoseerd het en gespecialiseerd het in die maatskappyreg.
 
Hy was LV vir [[Fauresmith (kiesafdeling)|Fauresmith]] in die Vrystaat van 1941 tot 1948 en vir [[Worcester (kiesafdeling)|Worcester]] van 1948 tot [[27 Januarie]] [[1967]]. Van 1948 tot 1958 was hy minister van Binnelandse Sake en van 1958 tot 1967 minister van Finansies. In 1966 was hy tydelik [[Eerste Minister van Suid-Afrika|Eerste Minister]].
 
In 1967 was hy verkies as [[Staatspresident van Suid-Afrika|Staatspresident]], maar is as gevolg van siekte nooit in die amp ingesweer nie.
 
== Werke gepubliseer ==
* ''The liability for safe carriage of goods in Roman Dutch law'' (1928)
* ''Municipal law'' (1940) saam met regter L. de V. van Winsen
 
== Verwysings ==
12 019

wysigings