Maak hoofkeuseskerm oop

Wysigings

geen wysigingsopsomming nie
'''Blanche Gerstman''' ([[2 April]] [[1910]]<ref>''Afrikaanse kultuuralmanak gee haar geboortedatum as 2 April aan, maar die ''[[Standard Encyclopaedia of Southern Africa]]'' as 29 Julie, ook 1910</ref> - [[11 Augustus]] [[1973]]) was een van Suid-Afrika se belangrikste komponiste, maar ook 'n veelsydige musikus wat haar brood as orkesspeler verdien het.
 
Sy ontvang haar voorbereidende opleiding by die seun van die voormalige goewerneur van die [[Kaapkolonie]], sir [[Walter Hely-Hutchinson]], Victor Hely-Hutchinson (teorie) en Colin Taylor (klavier) en verwerf die graad B,Mus. onder prof. W.H. Bell aan die Suid-Afrikaanse Musiekkollege in [[Kaapstad]]. In 'n vroeë komposisie, ''Hellas'' (1928), vir sopraan, vrouekoor en orkes, het sy vir die eerste keer haar aanleg getoon vir die soort musiek wat sy later met groot welslae sou komponeer. Nietemin het sy in die daaropvolgende jare haar voorliefde vir suiwer instrumentale musiek werke vir klavier en viool behou en in 1950 'n voortreflike sonate vir die twee instrumente gekomponeer.
 
Buiten die liedere wat sy Engels, Duits en Nederlands geskryf het, het sy ook 'n aantal Afrikaanse gedigte van [[Jan F.E. Celliers]], [[W.E.G. Louw]], [[Elisabeth Eybers]] (die sangsiklus ''Die lied van die vrou''; 1953) en Ch. Weich getoonset. Haar koorwerke gegrond op die gedigte van [[N.P. van Wyk Louw]] (''Die Boodskap van Maria'') en [[I.D. du Plessis]] (''Ode to South Africa'') is tussen 1946 en 1948 geskryf. Sy was van tyd tot tyd dosent in komposisie aan die [[Universiteit van Kaapstad]] se S.A. Musiekkollege en van 1961 tot 1963 aan die [[Universiteit van Pretoria]] en die . Hoewel sy deurentyd musiek vir die viool, klavier, orrel en orkes gekomponeer het, het sy haar grootste welslae behaal met sangwerke, waarvan, buiten die voorafgenoemde twee werke, ''Uit die Passie'' ook belangrik is.
84 100

wysigings