Televisietoring van Berlyn: Verskil tussen weergawes
Content deleted Content added
No edit summary |
k Rol weergawe 935195 deur 130.227.16.125 (bespreek) terug. |
||
Lyn 37:
Reeds in die 1950's was daar planne om 'n televisietoring in die destydse [[Oos-Berlyn]] op te rig. Aanvanklik is die heuwelreeks Müggelberge in die administratiewe distrik [[Köpenick]] as 'n geskikte plek gekies. Boubedrywighede was al aan die gang toe die projek uiteindelik stopgesit moes word - die toring sou moontlike gevaar vir opstygende en landende vliegtuie op die Schönefeld-lughawe net buite Berlyn ingehou het. Só is slegs die toring se voetstuk voltooi. 'n Terrein langsaan die Volkspark Friedrichshain is as 'n alternatiewe plek vir die toringprojek voorgestel, maar ook hierdie voorneme is uiteindelik nog tydens die beplanningsfase laat vaar.
[[Lêer:Berliner Dom 1 by eduardo89.jpg|thumb|left|250px|Die televisietoring met die [[Berlynse Domkerk]] se koepel en toring in die voorgrond]]
Danksy die invloed van die eerste sekretaris van die [[Sosialistiese Eenheidsparty van Duitsland]] (SED), [[Walter Ulbricht]], is in 1964 besluit om die beplande televisietoring in die middestad van Berlyn te bou. Die bouplanne is volgens 'n idee van Hermann Henselmann en Jörg Streitparth deur die ''VEB Industrieprojektierung (Ipro) Berlin'' ontwikkel. Die belangrikste argitekte hierby was Fritz Dieter, Günter Franke en Werner Ahrend. Die geboue rondom die voetstuk is deur Walter Herzog en Heinz Aust ontwerp.
Die televisietoring sou volgens die destydse planne " 'n stadskroon word wat bo alles sou uitrys en die seëviering van die sosialisme verkondig".<ref>[http://www.tagesspiegel.de/berlin/Fernsehturm-Alexanderplatz-Mitte;art270,2909277 Lothar Heinke: ''Einsame Spitze: Berlins schönster Aussichtspunkt wird 40''. In: ''Der Tagesspiegel'', Berlyn, 27 September 2009, bl. 13]</ref> Volgens Henselmann se ontwerp sou die toring dan ook rooi verlig word. Bruno Flierl het daarop verwys dat die metaalfasade van die toring se koeël ooreenkomste met die Sowjet-satelliet ''Sputnik'' toon en sodoende die tegnologiese superioriteit van die sosialistiese state sou versinnebeeld.<ref>[http://www.rbb-online.de/stilbruch/archiv/stilbruch_vom_01_10/40_jahre_fernsehturm.html Gabriele Denecke: ''Das Jubiläum - 40 Jahre Fernsehturm''. In: ''RBB, 1 Oktober 2009'']</ref> Sy konstruksie as "betonnaald" baseer op die televisietoring in [[Stuttgart]], [[Baden-Württemberg]].
Om plek vir die nuwe toring en die herontwerp van sy onmiddellike omgewing te skep, is teen die middel van die 1960's alle geboue in die gebied - met uitsondering van die Sint Mariakerk en die Rooi Raadsaal - gesloop en die oorspronklike Middeleeuse straatuitleg van Berlyn se historiese stadskern laat vaar.
=== Boubedrywighede ===
Die boubedrywighede het op 4 Augustus 1965 begin. Die konstruksiehoof en leier van die ''Deutsche Bauakademie'', Gerhard Kosel, is nog in dieselfde jaar uit sy pos onthef nadat die werklike boukoste sesvoudig toegeneem het - tot sowat 200 miljoen [[Mark van die DDR]]. Die hoofrede vir die kostestyging was die noodsaaklikheid om 'n groot deel van die benodigde boumateriaal in te voer - so moes die afwerking vir die buitefasade net soos die buiteverligting uit [[Wes-Duitsland]], die hysbakke en lugreëling uit [[Swede]] en die vensters uit [[België]] ingevoer word. Die presiese koste is nooit bepaal nie.
[[Lêer:Bundesarchiv Bild 183-F0818-0022-001, Berlin, Fernsehturm, Bau.jpg|thumb|left|200px|Die koeël se staalskelet is op die grond aanmekaargesit]]
As eerste deel van die toring is die betonskag met 'n beweeglike staal-stellasie gebou wat in die holle ruimte boontoe verskuif kon word. Vervolgens is die koeël se staalskelet op die grond aanmekaargesit. Bo-op die skag is 'n hyskraan gemonteer wat die staalelemente van die toring se koeël boontoe gelig het. Die kraan is nog steeds in die skag, sy arm is na benede gedraai. Die antenne bestaan uit enkele segmente met 'n lengte van vier meter wat met 'n spesiale hyskraan aan die antenne se buitekant gelig en aanmekaargesit is. Hierdie kraan is ná voltooing van die bouwerk weer verwyder.
| |||