Gustave Adolph Maeder: Verskil tussen weergawes

Maeder was die seun van die Franse Sendeling Franz Maeder en sy vrou, Clarisse Delatte, wat van Verdun in Pecardie, [[Frankryk]], afkomstig was. Sy vader het teen 1836 van [[Duitsland]] na [[Suid-Afrika]] gekom en was sendeling van die Paryse Evangeliese Genootskap, eers op Bethesda en later op Morija in die destydse Basoetoland. Onder invloed van ds. [[John Murray]], leraar van die [[NG gemeente Burgersdorp]] by wie hy op [[Burgersdorp]] ingewoon het, het Maeder besluit om predikant te word. Hy ontvang onderrig aan die bekende skool van MacLachlan op [[Stellenbosch]] en daarna aan die Suid-Afrikaanse Kollege in [[Kaapstad]], waar hy die Tweedeklassertifikaat met onderskeiding behaal. Ná die gebruiklike studietydperk van vier jaar aan die Stellenbosse [[Kweekskool]] van 1866 tot 1869 word hy op [[10 Maart]] [[1870]] saam met vier ander kandidate gelegitimeer.