Ray Bradbury

Ray Douglas Bradbury (* 22 Augustus 1920 in Waukegan, Illinois) is 'n Amerikaanse skrywer van wetenskapsfiksie, fantastiese, gruwel- en misterieuse romans en kortverhale.

Bradbury het internasionale bekendheid verwerf met sy distopiese roman Fahrenheit 451 (1953), 'n skets van 'n toekomstige samelewing waarin televisie leeskultuur en geletterdheid vernietig het, en 'n reeks wetenskapsfiksie-verhale wat in die bundels The Martian Chronicles (1950) en The Illustrated Man (1951) gepubliseer is.

Bradbury word as een van die invloedrykste Amerikaanse skrywers van spekulatiewe fiksie van die 20ste en vroeë 21ste eeu beskou. Baie van sy werke is vir televisie en die groot skerm aangepas en verfilm.