Breederivier: Verskil tussen weergawes

Die rivier is 325km lank en het ‘n totale opvanggebied van nagenoeg 12 300 vierkante kilometer. Vanaf sy oorsprong gaan die river verby [[Ceres]], sny deur die berge wes van die dorp deur die 1 500m diep Mostertshoekkloof. Ook die Michellspas gaan deur hierdie kloof. Daarna draai hy suidoos, vloei deur die wye Breëriviervallei tussen die Hexrivierberge aan die noordekant en die Slanghoek- en Du Toitskloofberge aan die suidekant en gaan verby [[Worcester]], [[Robertson]], [[BonnnievaleBonnievale]] en [[Swellendam]]. Oor sy hele lengte gemeet het dit ‘n gemiddelde val van 10m per km. Die opvanggebied het ‘n reënval wat wissel van 190cm in die berge tot 38cm in die vallei. Orals langs die rivier en sy talryke sytakke is daar besproeide landerye.