Nel se ouers verhuis in 1924 na Bedford waar hy tot in 1931 sy eerste skoolopleiding ontvang. HyVan die ouderdom van 10 jaar af was die leraar van die gemeente [[GLen Lynden]] ds. O.A. Cloete, die latere ds. Nel se medeleraar van 1950 tot 1952 in die [[NG gemeente Somerset-Wes]]. Nel matrikuleer in 1942 aan die Hoërskool Templeton op Bedford as die enigste matrikulant omdat sy ouers nie kon bekostig om hom skool toe te stuur in [[Grahamstad]] of op [[Somerset-Oos]], soos die gebruik van die inwoners van die distrik was nie. Van 1943 tot 1945 is hy student aan die [[Universiteit van die Vrystaat|Universiteit van die Oranje-Vrystaat]] in [[Bloemfontein]] en behaal die graad B.A. (Admissie). Hierna vertrek hy na [[Stellenbosch]] waar hy aan die teologiese [[Kweekskool]] studeer en einde 1949 as proponent gelegitimeer word. Van sy klasmaats was latere predikante soos Jan Hanekom, Andries Gouws en Kosie Terreblanché. Omdat hulle ouers arm was, het sy broer ds. Coligny Nel, wat leraar van die NG gemeente Durban-Wes van 1942 tot 1947 en van die [[NG gemeente Melville]] van daardie jaar tot en met die afstigting van Aucklandpark in 1958 was, vir Vidius geldelik bygestaan.
