NG gemeente Maitland: Verskil tussen weergawes

Maitland was 'n buitewyk van die [[NG gemeente Kaapstad]] tot dit in 1912, dieselfde jaar waarin die aangrensende [[NG gemeente Observatory]] afgestig het, selfstandig geword het. Dr. B.J. Haarhoff was van 19031905 tot 1912 predikant van Kaapstad met spesiale werkkring Maitland. Die hoeksteen van die huidige kerkgebou in Voortrekkerweg is op [[15 Mei]] [[1903]] gelê en die gebou is in Junie 1904 ingewy. Ná dr. Haarhoff se vertrek is Maitland op 4 November 1912 tot 'n selfstandige gemeente afgestig met ds. F.X. Roome van [[Seepunt]] ('n buitewyk van [[NG gemeente Kaapstad|Kaapstad]] wat afsonderlike bly voortbestaan het omdat lidmate hulle nie van die moedergemeente wou losmaak en by [[NG gemeente Drieankerbaai|Drieankerbaai]] wou inskakel nie) as konsulent.

Op [[19 Junie]] [[1913]] is die eerste vaste leraar van die gemeente, ds. M.N. Janse van Rensburg, bevestig. Hy was van 1931 tot 1948 leraar van [[NG gemeente Woodstock|Woodstock]]. Ds. D.C. de Villiers was 'n kwarteeu lank van 1918 tot 1943 sy opvolger. Van 1938 tot 1945 het ds. C. van der Merwe die gemeente saam met hom bearbei. In 1944 beroep die gemeente dr. S.H. Rossouw van [[NG gemeente Swellendam|Swellendam]] en hy en ds. Van der Merwe werk 'n jaar lank saam as medeleraars.