Villiersdorp: Verskil tussen weergawes

'''Villiersdorp''' is geleë in die [[Wes-Kaap]], in die streek genaamd [[Overberg]], naastenby 96 km vanaf [[Kaapstad]], en ongeveer 355 meter bo seespieël. Die dorp lê tussen die Waterval- en Baviaansberge aan die noord-weste kant van die vallei, met die [[Theewaterskloofdam]] na die suide. Villiersdorp staan ook bekend as die 'pêrel van die Overberg' of die ‘trots van die Overberg’.

Villiersdorp word omring deur plase, waarvan die meeste vrugteboerderye is. Aanvanklik het boere in die omgewing meestal [[graan]] en [[wingerd]] verbou, maar sedert die voltooiing van die [[Theewaterskloofdam]] en [[Elandskloofdam]] het landbou merendeels verander na dít wat in die [[Elgin-kom]] beoefen word. [[Sagte vrugte]] en [[wingerdbou]] beslaan 'n groot deel van die landbou vandag. Gevolglik het twee groot pakstore ontstaan, Betko en Arbeidsvreugde. Villiersdorp Koöperasie ontvang druiwe wat in die omliggende gebiede geoes word.

Plase in die Villiersdorp omgewing word deur die [[Elandskloofdam]] van besproeiingswater voorsien.