NG gemeente Alice: Verskil tussen weergawes

Toe ds. Joubert in 1878 na [[Uniondale]] vertrek, het hy ds. B.B. Keet as opvolger gekry wie se seun en naamgenoot, die bekende hoogelaar aan die [[Kweekskool]] prof. dr. [[Barend Bartholomeus Keet|B.B. Keet]], op Alice gebore is. Keet het hierheen gekom van die [[NG gemeente Kimberley]] af. Die volgende leraar was ds. J.P. Kriel (1898-1929), wat opgevolg is deur ds. J.H. Malherbe (1921-'26), in wie se tyd Peddie tot 'n afsonderlike gemeente afgestig is en [[Fort Beaufort]] by Alice gevoeg is (1923). Ná ds. Malherbe se vertrek na [[Cradock]], is Alice en Fort Beaufort saam bedien deur di. J.A. Malherbe jr. (1926-'37) en J.D.W. Strydom (1939-'43), wat onder 'n nuwe 50-50-grondslag van samewerking drie jaar lank op [[Fort Beaufort]] gewoon het. Ds. S.J. Botha dien die gemeente van 1943-'46 en [Henry Charles Hopkins|H.C. Hopkins]] van 1946 tot 1949. In 1949 is [[NG gemeente Fort Beaufort|Fort Beaufort]] as afsonderlike gemeente afgestig van Alice en ds. Hopkins is na die nuwe gemeente, waar hy ook gewoon het, beroep.

Alice was toe meer as 'n jaar lank herderloos totdat daar finaal besluit is dat die leraar van Alice konsulent van die gemeentetjie Peddie kon wees terwyl laasgenoemde 'n deel van sy traktement betaal. Onder hierdie nuwe reëling is prop. Abraham Coetzee in Februarie 1951 as leraar van Alice bevestig en hy het ook die NG Kerk gedien as lektor in HollansHollands aan die Universiteit van Fort Hare.