Donna Summer: Verskil tussen weergawes

 

Vir haar unieke musiekstyl het Donna Summer haar veelsydige mezzo-sopraanstem met elektroniese popmusiek gekombineer wat sy saam met haar vervaardigers Giorgio Moroder en Pete Bellotte ontwikkel het. Met treffers soos ''Love to Love You Baby'', ''I Feel Love'', ''Hot Stuff'', ''MacArthur Park'' of ''On The Radio'' het Summer in die tweede helfte van die 1970's internasionale sukses behaal.

 

Donna Summer was die eerste musikale kunstenaar wat drie keer agtermekaar met dubbelalbums die nommer een op die trefferlys bereik het. Binne 'n tydperk van slegs dertien maande was ook vier van haar enkelsnitte bo-aan die Amerikaanse trefferlys. Haar plateverkope word op 130 miljoen beraam.