Trans-Kalahari-Grootpad: Verskil tussen weergawes

Die '''Trans-Kalahari-Grootpad''' (Engels: Trans-Kalahari Highway) is 'n belangrike hoofroete wat die SAOG-state van [[Namibië]], deur [[Botswana]], met [[Suid-Afrika]] en [[Mosambiek]] verbind.

Tot die einde van die twintigste eeu, was die roete slegs 'n grondpad op meeste dele, maar sedert 1998 begin nuwe teerpaaie die verbindings vorm tussen [[Walvisbaai]] en [[Swakopmund]] aan die [[Atlantiese Oseaan]] met Maputo aan die [[Indiese Oseaan]].

Die Trans-Kalahari-Grootpad word insgelyks vir heelwat privaat- en toeristeverkeer gebruik, aangesien die nuwe pad van [[Windhoek]] na [[Johannesburg]], die afstand oor die suidelike roete via [[Upington]] met ongeveer 400 km verkort het.

Vanaf die Atlantiese kus,Windhoek volg dit die Namibiese nasionale roete B2, wat die verbinding is na die binneland en ook na Windhoek. Van daar volg dit die nasionale roete B6 in 'n oostelike rigting. Dit bereik Botswana by die [[Buitepos]]-grenspos. In Botswana word die roete ooswaarts via die A2 gevolg. Ongeveer 150 km verby die grenspos, vurk die pad na noordoos en suidoos; die roete na Suid-Afrika en die Ooskus word in 'n suidelike rigting voortgesit, verby die gehuggies van Kang en Sekoma, voor Jwaneng en Kanye bereik word. Ná Lobatse verbygesteek is, bereik die grootpad die [[Skilpadshek]] grenspos tussen Botswana en Suid-Afrika.

Vanaf Pretoria ooswaarts isvolg 'n roete wat as die ''Maputo-korridor'' bekend staan. Die N4-snelweg loop verby Witbank, Middelburg en Mbombela (voorheen [[Nelspruit]]), tot by [[Komatipoort]] waar die grens met Mosambiek gekruis word. Die roete deur Mosambiek volg 'n pad wat as die EN4 bekend staan. Slegs 80 km verder op die EN4 word die Mosambiekse hoofstad Maputo bereik.