Groot Hond (sterrebeeld): Verskil tussen weergawes

Alpha Canis Majoris (α&nbsp;CMa), algemeen bekend as Sirius, het ’n helderheid van -1,44&nbsp;mag en is nie net die helderste ster aan die naghemel nie, maar ook een van die naaste sterre aan die [[Aarde]]: sowat 8,6 [[ligjaar|ligjare]]. Dit is ’n [[veranderlike ster]] met ’n wisseling van sowat 0,1&nbsp;mag, en ook ’n [[dubbelster]]; die ander komponent is Sirius&nbsp;B, met ’n magnitude van 8,4. Die twee wentel elke 50 jaar om mekaar. In 1993 was hulle die laaste keer die naaste aan mekaar, en tussen 2020 en 2025 sal hulle weer op hul verste van mekaar wees. Sirius was die basis van die antieke Egiptiese kalender.<ref name="ridpath"/>

 

Van die ander drie sterre met ’n magnitude van meer as 2,0 is Epsilon Canis Majoris (ε&nbsp;CMa), ook bekend as Adhara, die helderste (1,5&nbsp;mag). Dit is ’n blou [[reusester]] 430 ligjare van die Aarde af. Dit is ’n dubbelster; die ander komponent het ’n helderheid van 7,4&nbsp;mag. Nog ’n prominente ster is Delta Canis Majoris (δ&nbsp;CMa), ook bekend as Wezen. Dit is ’n wit [[superreus]] 1&nbsp;800 ligjare van die Aarde af met ’n helderheid van 1,8&nbsp;mag. Die derde ster is Beta Canis Majoris (β&nbsp;CMa), ook bekend as Mirzam. Dit is ’n blou pulserende veranderlike ster met ’n helderheid van 2,0. Mirzam is 500 ligjare van die Aarde af.