Een dag internasionaal

Een dag internasionaal (Engels: One Day International, afgekort ODI) is 'n tipe krieketwedstryd waar twee internasionale spanne op een dag 'n beperkte aantal boulbeurte speel (gewoonlik 50). Die Krieket Wêreldkampioenskap word onder andere in hierdie formaat gespeel.

'n Een dag internasionaal tussen Australië en Indië in Melbourne..

Lande met permanente ODI-status

Die tien lande met permanente ODI-status is:

•  Australië
•  Bangladesj
•  Engeland
•  Indië
•  Nieu-Seeland
•  Pakistan
•  Sri Lanka
• Wes-Indië
•  Zimbabwe
•  Suid-Afrika

Lande met 'n tydelike ODI-status

Die ses lande met 'n tydelike ODI-status is:

•  Afghanistan, sedert 19 April 2009
•  Kanada, sedert 1 Januarie 2006
•  Ierland, sedert 1 Januarie 2006
•  Kenia, sedert 18 Februarie 1996
•  Nederland, sedert 1 Januarie 2006
•  Skotland, sedert 1 Januarie 2006

Hierdie lande behoud hulle ODI-status tot die kwalifikasies vir die Wêreldbeker van 2013.

Lande met 'n voormalige ODI-status

Lande kan hulle ODI-status verloor deur slegte prestasies by die Wêreldbeker vir B-lande of deur 'n besluit van die IKR. Daar is ook lande wat tydelike ODI-status verkry het om aan 'n bepaalde toernooi te kan deelneem.

•  Bermuda, van 1 Januarie 2006 tot 8 April 2009
•  Hongkong, van 16 tot en met 18 Julie 2004 en van 24 tot en met 25 Junie 2008
•  Namibië, van 10 Februarie tot en met 3 Maart 2003
• Oos-Afrika, van 7 tot en met 14 Junie 1975
•  Verenigde Arabiese Emirate, van 13 tot en met 17 April 1994, van 16 Februarie 1996 tot en met 1 Maart 1996, van 16 tot en met 17 Julie 2004 en van 24 tot en met 26 Junie 2008
•  Verenigde State, van 10 tot en met 13 September 2004