1. FC Gera 03
 | |
| Volledige naam | 1. Fußballclub Gera 03 e.V. |
| Stigtingsdatum | 23 Mei 2003 |
| Tuisveld | Stadion der Freundschaft, Gera |
| Kapasiteit | 15 600 |
| Kompetisie | Oberliga Noordoos-Suid |
1. FC Gera 03 is 'n sokkerklub uit Gera in die deelstaat Thuringen in Duitsland.
Geskiedenis wysig
Die tradisionele lieflingklub van die stad, 1. SV Gera, is in 2003 insolvent verklaar en gerelegeer tot in die Bezirksliga op die 7de vlak. Op dieselfde tydstip het TSV 1880 Gera-Zwötzen promosie gekry na die Landesliga Thüringen en om voordeel te trek uit die verdwyning van 1. SV Gera, het die klub se sokkerafdeling op 23 Mei 2003 onafhanklik geword as 1. FC Gera 03. Die sokkerspelers van SV 1861 Liebschwitz het kort hierna ook by die klub aangesluit (alhoewel hierdie klub intussen weer 'n sokkerafdeling op die been gebring het).
Die stamklub TSV 1880 Gera-Zwötzen is op 25 Mei 1919 gestig as SC Wacker Zwötzen. Na die Tweede Wêreldoorlog is die klub in April 1945 herstig as TUS Zwötzen. In 1950 is die klub herdoop na BSG Fortschritt Zwötzen. In 1966 is die klub herstig as TSG Gera Zwötzen en in 1973 is die klub weer herstig as BSG Modedruck Gera (as gevolg van die herstrukturering van Gera se tekstielindustrie). Na die hereniging van Duitsland is die klub in 1991 herdoop na TSV 1880 Modedruck Gera-Zwötzen en 'n jaar later na TSV 1880 Gera-Zwötzen.
Die klub het in 2006 die hoofrondte van die DFB-Pokal gehaal (deurdat FC Carl Zeiss Jena, teen wie hulle in die eindstryd om die Thüringenbeker verloor het, na die 2. Bundesliga gepromoveer het en dus outomaties vir die DFB-Pokal gekwalifiseer het), maar in die eerste rondte met 0-2 teen 1. FC Kaiserslautern verloor. In 2007 het die klub die TFV-Pokal (Thüringenbeker) gewen en dus weer na die hoofrondte van die DFB-Pokal (2007/08-seisoen) deurgedring.
Die klub deel tans die Stadion der Freundschaft met 1. SV Gera.
Onlangse ligaposisionering wysig
|
Klub gestig op 23 Mei 2003 - neem TSV 1880 Gera-Zwötzen se plek in die Landesliga
|
Eksterne skakels wysig
| Oberliga Noordoos-Suid 2007/08-seisoen | |
|
VfB Auerbach | FSV Budissa Bautzen | Chemnitzer FC | SC Boreas Dresden | FC Eilenburg | | |