13 Januarie

13 Januarie is die dertiende dag van die jaar in die Gregoriaanse kalender. Daar volg nog 352 dae in die res van die jaar (353 in skrikkeljare).

Schalk Burger is op die dag in 1983 gebore.

Gebeure

• 1435 – Pous Eugenius IV publiseer die bul Sicut Dudum teen die slawerny op die Kanariese Eilande.
• 1473 – Giuliano della Rovere (later Pous Julius II) word biskop van Catania.
• 1653 – Jan van Riebeeck teken in sy dagregister aan dat op hierdie dag die eerste koring in die Nederlandse Kaapkolonie gedors is.
• 1672 – Pous Clemens X reguleer die hantering van relikwieë.
• 1716 – Michelangelo Conti (later Pous Innocentius XIII) word camerlengo van die kollege van kardinale.
• 1870 – Die eerste van Samuel Zwaartman (H.W.A. Cooper) se 25 Boerebrieven uit Fraserburg verskyn in Het Volksblad.
• 1898 – Émile Zola publiseer J'Accuse om die Dreyfus-aangeleentheid bloot te lê en beskuldig die Franse regering van anti-Semitisme.
• 1914 – ’n Kommissie van openbare veiligheid word in Kaapstad aangestel weens landwye nywerheidsonrus.
• 1915 – Eerste Wêreldoorlog: Suid-Afrikaanse troepe beset Swakopmund in Duits-Suidwes-Afrika.
• 1942 – Te midde van oorlogswoelinge stel dr. D.F. Malan, leier van die opposisie, in die Volksraad die omskepping van Suid-Afrika in ’n republiek voor.
• 1949 – Durbanonluste: die Indiese gemeenskap word geteiken deur Zoeloe-skares. Tydens die brutale veldtog word huise en besighede afgebrand, Indiërvroue en -meisies verkrag en Indiërmans en -vroue van enige ouderdom vermoor. 142 sterf, meer as 'n duisend word beseer en 40 000 word vlugtelinge.
• 1956 – Frankryk stig 'n permanent bemande navorsingsbasis, die Dumont d'Urville-stasie, in Adélieland in Antarktika.
• 1986 – 'n Maand lange gewelddadige stryd begin in Aden, Suid-Jemen, tussen ondersteuners van Ali Nasir Muhammad en Abdul Fattah Ismail, wat duisende sterftes tot gevolg het.
• 1957 – Die speelgoedmaatskappy Wham-O vervaardig hulle eerste vlieënde skyf, wat later herdoop is tot die Frisbee.

Geboortes

• 1883 – Prins Arthur van Connaught, Britse politikus en derde Goewerneur-generaal van Suid-Afrika (1920–1924) († 1938).
• 1887 – Albert van der Sandt Centlivres, Hoofregter van die Unie van Suid-Afrika († 1966).
• 1910 – Tryna du Toit, Afrikaanse skrywer († 2005).
• 1926 – Carl von Hirschberg, Suid-Afrikaanse diplomaat († 2017).
• 1927 – Sydney Brenner, Suid-Afrikaanse molekulêre bioloog († 2019).
• 1950 – Peter Louw, Afrikaanse digter en 'n regsgeleerde.
• 1953 – Derek Hanekom, Suid-Afrikaanse oud-kabinetsminister en lid van die African National Congress.
• 1961 – Julia Louis-Dreyfus, Amerikaanse aktrise.
• 1963 – Andrew Roberts, Britse geskiedkundige en joernalis.
• 1967 – Annie Jones, Australiese aktrise.
• 1972 – Denver Vraagom, Suid-Afrikaanse TV- en filmakteur, getroud met Vanessa van 7de Laan.
• 1977 − Orlando Bloom, Engelse akteur en vervaardiger.
• 1983 – Schalk Burger, Suid-Afrikaanse rugbyspeler.

Sterftes

• 1691 – George Fox, Engelse Dissenter (religieus-andersdenkende) en stigter van die Genootskap van Vriende (* 1624)
• 1717 – Maria Sibylla Merian, Switserse natuurwetenskaplike en kunstenaar (* 1647).
• 1852 – Fabian Gottlieb von Bellingshausen. As bevelvoerder van die tweede Russiese om-die-wêreldvaart was hy een van drie mense wat Antarktika vir die eerste keer waargeneem het (* 1778).
• 1882 – Wilhelm Mauser, Duitse wapenontwerper (* 1834).
• 1919 – Hans Bielenstein, Duits-Baltiese protestantse martelaar (* 1863).
• 1922 – C.P. Hoogenhout, een van die agt stigters van die Genootskap van Regte Afrikaners (* 1843).
• 1941 – James Joyce, Ierse skrywer en digter (* 1882).
• 1983 – Arthur Space, Amerikaanse akteur (* 1909).
• 1992 – Yvonne Bryceland, Suid-Afrikaanse aktrise (* 1925).
• 2017 – Mark Fisher, 'n Britse skrywer, kultuurteoretikus, filosoof en dosent (* 1968).
• 2021 – Sinikka Nopola, Finse skrywer van kinderstories (* 1953)
• 2021 – Hannes Viljoen, Springbok-vleuel (* 1943)
• 2021 – Siegfried Fischbacher, Amerikaanse vermaaklikheidpersoonlikheid (* 1939).
• 2023 – Christo Viljoen, Suid-Afrikaanse ingenieur en akademikus (* 1937).
• 2024 – Joyce Randolph, Amerikaanse aktrise (* 1924).