Abidjan (Frans: [abidʒɑ̃]) is die grootste stad en voormalige politieke hoofstad van die Ivoorkus. Dit funksioneer steeds as die regeringsetel en ekonomiese hoofstad, alhoewel Yamoussoukro tans die amptelike hoofstad is. Abidjan is tans die belangrikste hawestad van die land en is geleë aan die Golf van Guinee. Die bevolking van die stad is 'n beraamde 4,4 miljoen en 5,15 miljoen insluitende die hele metropoolse gebied (2020-skatting).

Abidjan

Kaart Wapen
Vlag
 Land Vlag van Ivoorkus Ivoorkus
 Distrik Abidjan
 Koördinate 5°19′N 4°2′W / 5.317°N 4.033°W / 5.317; -4.033Koördinate: 5°19′N 4°2′W / 5.317°N 4.033°W / 5.317; -4.033
 Stigting 1899
 Oppervlakte:  
 - Totaal 2 119 vk km
 Hoogte bo seevlak 10 m
 Bevolking:  
 - Totaal (2014) 4 707 404
 - Bevolkingsdigtheid 2 221,52/vk km
 Tydsone UTC+0 (GMT)
 Burgemeester Robert Beugré Mambé
 Amptelike webwerf www.districtabidjan.ci
Abidjan se sentrale besigheidsdistrik

Die belangrikste nywerhede is hout, tekstiel en koffie. Die stad het ook 'n groot ruolieraffinadery.

Die stad het in 1934 die hoofstad van die destydse Franse kolonie, die Ivoorkus, geword en groei steeds aansienlik, as mens die huidige bevolking vergelyk met die 65 000 inwoners wat die stad in 1950 gehad het. In 1983 verklaar die destydse president, Félix Houphouët-Boigny, dat Yamoussoukro die nuwe hoofstad van die land is, maar die meeste regeringsgeboue en ambassades is steeds in Abidjan gevestig.

Gedurende 1963 tot 1988, die tydperk toe Suid-Afrika weens apartheid aan sanksies onderworpe was, en die res van Afrika hul lugruim gesluit het vir die Suid-Afrikaanse Lugdiens se vliegtuie oppad Europa toe, het die Ivoorkus nogtans ingewillig om landingsplek aan die SAL te verskaf by Félix-Houphouët-Boigny Internasionale Lughawe in Abidjan.

Eksterne skakels wysig