Abrakadabra is ‘n towerspreuk wat in oertye in die volksgeneeskunde gebruik is om siektes te voorkom en genees.

Gebruik wysig

Dit is een van die min woorde sonder betekenis. Gewoonlik word dit gebruik deur ‘n kulkunstenaar as ‘n soort towerspreuk om die toeskouers se aandag af te lei van sy handvaardigheid of bloot om indruk te maak. Net soos met die towerspreuk ‘‘hokus pokus pilatus pas’’. Soms word abrakadabra gebruik as ‘n sinoniem vir die woord brabbeltaal en onverstaanbare en onbegryplike onsin.

 

Geskiedenis wysig

Dit word vir die eerste maal genoem in ‘n Latynse gedig deur die Gnostiese digter Quintus Severus (Serenus) Sammonicus in die 2de eeu.[1] Die woord het die ewige lewe gesuggereer en daar is geglo dat dit ‘n amulet is met helende kragte. Daar is veral geglo dat dit tandpyn, koors en ander siektes kan opklaar en ‘n persoon teen gevare kan beskerm. Die pasiënt moes die talisman op perkament skryf en aan ‘n draadjie van vlas om sy nek hang. Boonop moes dit op ‘n voorgeskrewe manier daarop geskryf word, naamlik in die vorm van ‘n gelyksydige driehoek wat op sy kop staan. So lees dan die boonste van die elf reëls van links na regs sowel as die regtersy van onder na bo die gelukbringende woord abrakadabra.

Etimologie wysig

Abrakadabra is van onsekere herkoms. Volgens oorlewering is dit saamgestel uit die Hebreeuse woorde Ab (Vader), Ben (Seun) en Ruach Acadsch (Heilige Gees). Ander sê dit kom van die Grieks abraxas en die Hebreeus dabar.

Verwysings wysig

Bron wysig

  • Hendrickson, Robert: The encyclopedia of word and phrase origins. Londen: MacMillan,1987. ISBN 0-333-46089-8