Admiralty Arch
Admiralty Arch is een van 'n reeks geboue wat in 1910 in opdrag van koning Edward VII ter herdenking aan sy moeder, koningin Victoria, in Londen opgerig is. Die triomfboog, wat volgens 'n ontwerp van Sir Aston Webb ontstaan het en in 1912 voltooi is, vorm die argitektoniese eindpunt van The Mall en sy oorgang tot Trafalgarplein.
Die gebou behels drie groot identiese boë met poorte wat van bewerkte yster gemaak is asook twee kleiner boë wat toegang tot The Mall vir sowel voetgangers asook voertuie bied. Die grootste boog in sy middel word slegs tydens seremoniële geleenthede geopen en was, toe dit ingewy is, die grootste in die Verenigde Koninkryk.[1] Die gebou het oorspronklik die woning van die First Sea Lord (geleë in die noordervleuel) asook regeringskantore gehuisves.
In 2012 het die Britse regering sy 125 jaar oue huurkontrak vir die gebou aan die eidendomsontwikkelaar Prime Investors Capital verkoop wat beplan om die gebou tot 'n luukse hotel te herontwikkel.[2]
Verwysings wysig
- ↑ The London Encyclopaedia. 3rde uitgawe. Kindle-uitgawe. Londen: Macmillan 2011
- ↑ Ed Hammond, Jim Pickard and Sally Gainsbury: Admiralty Arch sold to Spanish investor, Financial Times, 24 Oktober 2012
Eksterne skakels wysig
Wikimedia Commons het meer media in die kategorie Admiralty Arch.
