Alan Lewis
David Alan Lewis (gebore 1 Junie 1964 in Cork, Ierland)[1] is 'n voormalige Ierse krieketspeler en huidige rugbyskeidsregter. Hy is tydens die Rugbywêreldbeker 2003 en die Rugbywêreldbeker 2007 as 'n rugbyskeidsregter ingespan. Sy vader Ian het ook vir Ierland krieket gespeel.[1]
| Alan Lewis | ||||||
|---|---|---|---|---|---|---|
| ||||||
| Alan Lewis in 2007 | ||||||
| Volle naam | David Alan Lewis | |||||
| Gebore | 1 Junie 1964 Cork, Republiek Ierland | |||||
| Kolfstyl | Regshandig | |||||
| Boulstyl | Regterarm snelbouler | |||||
| Rol | Regterhandse kolwer | |||||
| Familie | Ian Lewis (vader) | |||||
| Internasionale geskiedenis | ||||||
| Nasionale span | Ierland | |||||
| Eersterangse spaninligting | ||||||
| Jaar(e) | Span | |||||
| 1984–1997 | Ierland | |||||
| Loopbaanstatistiek | ||||||
| Kompetisie | 1ste rang | A-lys | ||||
| Wedstryde | 8 | 23 | ||||
| Lopies aangeteken | 640 | 348 | ||||
| Kolfgemiddeld | 53,33 | 15,81 | ||||
| 100s/50s | 2/3 | 0/2 | ||||
| Hoogste telling | 122 | 67 | ||||
| Aflewerings geboul | 354 | 457 | ||||
| Paaltjies | 5 | 7 | ||||
| Boulgemiddeld | 55,20 | 56,71 | ||||
| 5 paaltjies in 'n kolfbeurt | 0 | 1 | ||||
| 10 paaltjies in 'n wedstryd | 0 | – | ||||
| Beste boulontleding | 5/39 | 4/47 | ||||
| Vangskote/Stonkings | 5/– | 4/– | ||||
| Bron: CricketArchive, 15 April 2010 | ||||||
Krieketloopbaan wysig
Lewis het as regterhandse kolwer en regterhandse snelbouler[1] tussen 1984 en 1997 121 keer vir die Ierse nasionale krieketspan gespeel,[2] insluitend agt eersteklaswedstryde teen Skotland[3] en 23 A-Lys wedstryde.[4] Hy het 35 keer as kaptein van die Ierse span opgetree.[5] Lewis is een van slegs ses spelers wat meer as 100 keer vir Ierland gespeel is en slegs Peter Gillespie en Kyle McCallan het meer kere vir Ierland gespeel.[6] Lewis het sy debuut vir Ierland in Junie 1984 gemaak in 'n wedstryd teen Wes-Indië. Sy loopbaan het op 'n lae noot begin toe hy vir geen lopies uitgehaal is.[2]
Sy laaste wedstryd was teen die Graaf van Arundel se elftal op 20 Augustus 1997.[2]
In alle wedstryde vir Ierland het Lewis altesaam 3579 lopies aangeteken teen 'n kolfgemiddeld van 28,63 met sy beste vertoning 136 teen Wallis in Julie 1990, een van vier honderdtalle wat hy vir Ierland aangeteken het. Hy het 51 paaltjies teen 'n gemiddeld van 43,88 geneem. Sy beste boulvertoning was 4/21 teen Skotland in Julie 1993.[2]
Rugbyloopbaan wysig
Nadat Lewis se rugbyspeelloopbaan deur 'n besering kortgeknip is het hy begin om as skeidsregter op te tree.[5] Hy het later op die hoogste vlak as skeidsregter begin optree met sy eerste internasionale optrede op 13 Junie 1998 tussen Argentinië en Frankryk gevolg deur 'n toets tussen Australië en Fidji op 18 September 1998 wat Australië 66–20 in Sydney gewen het.
In die Rugbywêreldbeker 1999 het hy as lynregter opgetree vir die Fidji-Namibië wedstryd in Beziers. In 2003 is hy weer as lynregter gekies maar het ook 'n kans gekry om as skeidsregter op te tree nadat Scott Young beseer is.[7] Vir die Rugbywêreldbeker 2007 is hy as een van die twaalf skeidsregter gekies.[8]
Verwysings wysig
- ↑ 1,0 1,1 1,2 (en) Cricket Archive profile
- ↑ 2,0 2,1 2,2 2,3 (en) "CricketEurope Stats Zone profile". Geargiveer vanaf die oorspronklike op 4 Oktober 2007. Besoek op 6 Oktober 2007.
- ↑ (en) First-class matches played by Alan Lewis at Cricket Archive
- ↑ (en) List A matches played by Alan Lewis at Cricket Archive
- ↑ 5,0 5,1 (en) Cricinfo profile
- ↑ (en) Most matches played for Ireland Geargiveer 7 September 2008 op Wayback Machine at CricketEurope
- ↑ (en) Planet Rugby Geargiveer 6 Oktober 2007 op Wayback Machine, Alan Lewis – the thorough referee[dooie skakel], besoek op 6 Oktober 2007
- ↑ (en) "Three Irish referees at World Cup, Irish Rugby". Geargiveer vanaf die oorspronklike op 27 September 2007. Besoek op 6 Oktober 2007.