Alexander I van Masedonië

Alexander I (Grieks: Ἀλέξανδρος ὁ Μακεδών), uit die Argeïese Dinastie, was van 498 tot 454 v.C. koning van Masedonië. Hy was die seun en opvolger van Amintas I. Tydens sy bewind het Masedonië betrokke geraak by die Grieks-Persiese Oorloë. Alexander is deur Persië in ’n bondgenootskap ingedwing, maar hy het die Grieke van hulle aanvalsplanne in kennis gestel.

Alexander I
Koning van Masedonië
Tydperk tradisioneel: 498 v.C. – 454 v.C.
Grieks Ἀλέξανδρος ὁ Μακεδών
Huis Argeïese Dinastie
Voorganger Amintas I
Opvolger Alketas II
Vrou onbekend
Kinders Alketas II
Perdikkas II
Philippos
Amyntas
Vader Amintas I
Moeder Eurydice
Geloof Griekse mitologie

Alexander word beskou as die grondlegger van die Masedoniese ryk. Hy het sy leër gereorganiseer en die reg verkry om die Olimpiese Spele by te woon. Daardeur het hy intensief betrokke geraak by die Griekse kultuur wat hy so bewonder het.

In 454 v.C. is hy onverwags vermoor. Hy is opgevolg deur sy seun Perdikkas II.

Verwysings wysig