Alexander du Toit

Dr. Alexander Logie du Toit (14 Maart 187825 Februarie 1948) was 'n Suid-Afrikaanse geoloog. Hy is in Kaapstad gebore en is van Afrikaans-Skotse afkoms. Hy studeer eers aan die Diocesan College en die Suid-Afrikaanse Kollege en gaan dan na Glasgow waar hy in 1899 as 'n myningenieur kwalifiseer. Hy spesialiseer in geologie en word op 23 jarige ouderdom aangestel as lektor aan die Universiteit van Glasgow. In 1903 keer hy terug na Suid-Afrika en sluit aan by die Geologiese Kommissie in die Kaap. Later was hy werksaam as 'n geoloog vir die Departement Besproeiing en vir De Beers. Hy was 'n ondersteuner van Alfred Wegener se teorie oor kontinentale drywing. Hy verwerf wêreldwye aansien met sy deeglike en omvattende werk. Hy het in 1926 sy eerste uitgawe van The Geology of South Africa[1] gepubliseer met opvolg uitgawes in 1939[2] en 1954.[3] In 1943 word hy as 'n fellow verkies tot die Royal Society. Hy het veral beroemd geword vir sy geskrifte oor kontinentale drywing. In 1927 het hy Gustaaf Molengraaff ontmoet tydens Molengraaf se Shaler-gedenkekspedisie. Hy is in 1948 in Kaapstad oorlede. Die Geologiese Vereniging van Suid-Afrika hou jaarliks 'n Alex du Toit Gedenklesing ter ere van die werk en vooruitgang wat hy vir geologie in Suid-Afrika gedoen het.

Alexander du Toit
Geboortenaam Alexander Logie du Toit
Gebore 14 Maart 1878
Nuweland, Kaapstad, Kaapkolonie
Oorlede 25 Februarie 1948 (op 69)
Kaapstad, Unie van Suid-Afrika
Blyplek Verenigde Koninkryk, Suid-Afrika
Nasionaliteit Vlag van Suid-Afrika Suid-Afrika
Vakgebied Geologie
Instelling(s) Geologiese Kommissie van die Kaap die Goeie Hoop
De Beers
Alma mater Universiteit van die Kaap die Goeie Hoop
Koninklike Tegniese Kollege
Drury Kollege
Koninklike Kollege vir Wetenskap
Toekennings Murchison-medalje (1933)

Verwysing wysig

  1. Du Toit, A.L., (1926). The Geology of South Africa, Oliver and Boyd, Edinburgh 463 pp
  2. Du Toit, A.L., (1939). The Geology of South Africa (2nd ed.), Oliver and Boyd, Edinburgh 539 pp
  3. Du Toit, A.L., (1954). The Geology of South Africa (3rd ed.), Oliver and Boyd, Edinburgh 611 pp

Bron wysig