Amintas I (Grieks: Ἀμύντας A), uit die Argeïese Dinastie, was van 547 tot 498 v.C. die negende koning van Masedonië. Hy was ’n direkte afstammeling van Perdikkas I van Masedonië en die seun van Alketas I.
Amintas was die pa van die veel bekender Alexander I. Hy was die eerste Masedoniese koning wat betrekkinge met ander lande gehad het. Hy was ’n vreedsame heerser en sy bewind was vermoedelik ’n tydperk van groot groei.
