Amy Winehouse
Amy Jade Winehouse (* 14 September 1983, † 23 Julie 2011 in Londen[1]) was 'n Engelse sangeres en liedjieskrywer, bekend vir haar eklektiese mengsel van verskeie musikale genres, insluitende R&B, soul, jazz, ruk-en-rol en ska.[2] Winehouse is ook bekend vir haar sielvolle, kragtige altstem.[3]
Amy Winehouse | |
|---|---|
 | |
| Agtergrondinligting | |
| Geboortenaam | Amy Jade Winehouse |
| Gebore | 14 September 1983 Southgate, Londen, Engeland |
| Sterf | 23 Julie 2011 (op 27) Camden, Londen, Engeland |
| Genres | Soul, R&B, jazz, funk, doo-wop, swing, alternatiewe rock, Ska |
| Beroep(e) | Sangeres-liedjieskrywer |
| Jare aktief | 2003 – 2011 |
| Etikette | Island, Universal Republic |
| Webwerf | amywinehouse.co.uk |
Winehouse se debuutalbum Frank (2003) was kommersieel en krities 'n sukses. Dit is vir die Mercury-toekenning genomineer. Haar 2006-opvolgalbum, Back to Black, het haar ses Grammy-toekenningsnominasies en ses toekennings besorg. Sy het hiermee die rekord opgestel vir die meeste toekennings aan 'n vroulike kunstenaar op 'n enkele aand en sy het ook die eerste Britse sanger geword om vyf Grammy's te wen,[4][5] insluitende drie van die sogenaamde "Groot Vier": Best New Artist, Record of the Year en Song of the Year. Sy het op 15 Februarie 2007 die BRIT-toekenning vir BEst British Female Artist gewen; sy is ook vir die Best British Album-toekenning genomineer. Sy het die Ivor Novello-toekenning al drie keer gewen, een in 2004 vir Best Contemporary Song (musikaal en liries) vir "Stronger Than Me", een in 2007 vir Best Contemporary Song vir "Rehab", en een in 2008 vir Best Song Musically and Lyrically vir "Love Is a Losing Game".
Winehouse is op 23 Julie 2011 dood by haar huis aangetref, vermoedelik as gevolg van 'n oordosis dwelms.[6]
Sien ook wysig
Verwysings wysig
- ↑ "Amy Winehouse Biography" - 23 Julie 2011 Geargiveer 12 Augustus 2011 op Wayback Machine People.com.
- ↑ Songwriter/Composer: WINEHOUSE AMY JADE Geargiveer 5 November 2007 op Wayback Machine. Broadcast Music Incorporated. 2007-12-18.
- ↑ "Amy Winehouse." Geargiveer 22 April 2009 op Wayback Machine The Observer. 2007.
- ↑ Yes, America, Amy Winehouse Is a Star. BBC Worldwide America. 11 Februarie 2008. Besoek op 12 Februarie 2008.
- ↑ Winehouse, Alex. Amy Winehouse's brother on her return to form. Timesonline. 13 Februarie 2008.
- ↑ Amy Winehouse dood gevind, Nuus24, 23 Julie 2011.
Eksterne skakels wysig
Wikimedia Commons het meer media in die kategorie Amy Winehouse.
