Anabolisme is ’n stel metaboliese roetes vir die opbou van molekules in lewende organismes uit kleiner eenhede.[1] Dié reaksies verg energie, bekend as ’n endergoniese proses.[2] Dit is die opbouende aspek van metabolisme, terwyl katabolisme die afbrekende prosesse behels. Anabolisme is gewoonlik sinoniem aan biosintese.

Roete wysig

Polimerisasie, ’n anaboliese roete wat gebruik word om makromolekules soos nukleïensure, proteïene en polisakkariede te bou, gebruik kondensasiereaksies om monomere te bind.[3] Makromolekules word geskep uit kleiner molekules deur middel van ensieme en kofaktore.

Energiebron wysig

Anabolisme word aangedryf deur katabolisme, waar groot molekules in kleiner dele opgebreek en dan in selasemhaling gebruik word. Baie anaboliese prosesse word aangedryf deur die splyting van adenosientrifosfaat (ATF).[4] Anabolisme behels gewoonlik reduksie en verminder entropie, wat dit ongunstig maak sonder energietoevoer.[5] Die aanvangsmateriale, wat die voorlopermolekules genoem word, word saamgebind deur die chemiese energie wat beskikbaar gestel word deur die hidrolisasie van ATF, die reduksie van die kofaktore NAD+, NADF+ en FAD, of die uitvoer van ander gunstige newereaksies.[6] Soms kan dit ook aangedryf word deur entropie sonder energietoevoer, in gevalle soos die vorming van die fosfolipieddubbellaag van ’n sel, waar hidrofobiese wisselwerkings die molekules saamvoeg.[7]

Funksies wysig

Anaboliese prosesse bou organe en weefsel. Dié prosesse sorg vir die groei en differensiasie van selle en die vergroting van die liggaam, ’n proses wat die sintese van komplekse molekules behels. Voorbeelde van anaboliese prosesse sluit in die groei en mineralisasie van bene en die vergroting van weefselmassa.

Verwysings wysig

  1. de Bolster MW (1997). "Glossary of Terms Used in Bioinorganic Chemistry: Anabolism". International Union of Pure and Applied Chemistry. Geargiveer vanaf die oorspronklike op 30 Oktober 2007. Besoek op 30 Oktober 2007.
  2. Rye, Connie; Wise, Robert; Jurukovski, Vladimir; Choi, Jung; Avissar, Yael (2013). Biology. Rice University, Houston Texas: OpenStax. ISBN 978-1-938168-09-3. {{cite book}}: Onbekende parameter |name-list-format= geïgnoreer (hulp)
  3. Alberts, Bruce; Johnson, Alexander; Julian, Lewis; Raff, Martin; Roberts, Keith; Walter, Peter (2002). Molecular Biology of the Cell (5th uitg.). CRC Press. ISBN 978-0-8153-3218-3. Geargiveer vanaf die oorspronklike op 27 September 2017. Besoek op 1 November 2018. {{cite book}}: Onbekende parameter |name-list-format= geïgnoreer (hulp) Alt URL
  4. Nicholls DG, Ferguson SJ (2002). Bioenergetics (3rd uitg.). Academic Press. ISBN 978-0-12-518121-1.
  5. Ahern, Kevin; Rajagopal, Indira (2013). Biochemistry Free and Easy (PDF) (2nd uitg.). Oregon State University. {{cite book}}: Onbekende parameter |name-list-format= geïgnoreer (hulp)
  6. Voet, Donald; Voet, Judith G; Pratt, Charlotte W (2013). Fundamentals of biochemistry : life at the molecular level (Fourth uitg.). Hoboken, NJ: Wiley. ISBN 978-0-470-54784-7. OCLC 738349533. {{cite book}}: Onbekende parameter |name-list-format= geïgnoreer (hulp)
  7. Hanin, Israel; Pepeu, Giancarlo (11 November 2013). Phospholipids: biochemical, pharmaceutical, and analytical considerations. New York. ISBN 978-1-4757-1364-0. OCLC 885405600. {{cite book}}: Onbekende parameter |name-list-format= geïgnoreer (hulp)AS1-onderhoud: plek sonder uitgewer (link)

Skakels wysig