Ariel Sharon, gebore as Ariel Scheinermann, (26 Februarie 1928 in Kfar Malal – 11 Januarie 2014 in Ramat Gan) was 'n Israelse militaris en politikus. Hy was van 2001 tot 2006 die Premier van Israel.[1]

Ariel Sharon
אריאל שרון (he)
Ariel Sharon
Sharon tydens in toespraak in 1998 in die VSA.

Ampstermyn
7 Maart 2001 – 14 April 2006
President Moshe Katsav
Voorafgegaan deur Ehud Barak
Opgevolg deur Ehud Olmert

Persoonlike besonderhede
Gebore 26 Februarie 1928
Kfar Malal, Mandaat van Palestina
Sterf 11 Januarie 2014
(op 85)
Ramat Gan, Israel
Politieke party Likoed (1973–1977)
Shlomtzion (1977)
Likoed (1977–2005)
Kadima (2005–2006)
Eggenoot/-note Margalit Sharon (1953–1962; haar dood)
Lily Sharon (1963–2000; haar dood)
Kind(ers) Gur, Omri, Gilad
Alma mater Hebreeuse Universiteit van Jerusalem
Universiteit van Tel Aviv
Handtekening

Militêre Diens
Lojaliteit Vlag van Israel Israel
Jare in diens 1948–1974
Rang Generaal

Sharon is begin 1928 in die voormalige Britse mandaat van Palestina gebore. Hy dien verskeie jare in Israel se weermag en het aan verskeie veldslae deelgeneem. Hy tree in 1974 as 'n generaal af, waarna hy die politiek betree.

In 1977 is hy as die Minister van Landbou aangestel. In 1981 word hy as die Minister van Verdediging. In 1983 word hy skuldig bevind omdat hy nie 'n bloedbad in Libanon, waar honderde burgerlikes deur ander burgers gedood is voorkom het nie. Die gevolg is dat hy uiteindelik van die regering bedank.

In 2001 is hy as die Premier van Israel verkies nadat 'n burgeroorlog tussen Israel en die Palestynse burgers uitbreek. Baie mense is verbaas nadat hy in 2004 aankondig dat Israel uit die Gasastrook sal onttrek, waar hoofsaaklik Palestyne woonagtig is. Die onttrekking het plaasgevind in 2005.

In Desember 2005 is Sharon in 'n hospitaal opgeneem. Op 4 Januarie 2006 word hy weer opgeneem na 'n beroerte (bloeding op die brein). Onmiddellik daarna begin gerugte versprei dat hy dood is, al word dit deur sy dokters ontken.

Ehud Olmert, 'n lid van Sharon se nuutgestigte Kadima-party, was die waarnemende premier tot verkiesings in Israel gehou is, waartydens hy self as premier verkies is.

Sharon is begin 2014 op 85 aan hartversaking in die hospitaal in Ramat Gan oorlede. Hy was agt jaar lank in 'n koma.

Verwysings wysig

  1. Ariel Sharon oorlede, besoek op 11 Junie 2014

Eksterne skakels wysig

Voorafgegaan deur
Ehud Barak
Eerste Minister van Israel
2001-2006
Opgevolg deur
Ehud Olmert