In die Noorse mitologie is Asgard, Asgaard of Asaheim[1] die tuiste van die gode en dapper, gesneuwelde oorlogshelde. Dit word as 'n aparte plek as die tuiste van gewone sterflinge (die sogenaamde Midgard) beskou, wat in die buitenste ruimte of in die middel van die aarde gesentreer is. Slegs die wêreld- of lewensboom (Yggdrasil) deurdring alle sfere (wêrelde) en verbind die dieptes van die kosmos. Die oppergod Odin en sy vrou, Frigg, het oor Asgard geheers.

Asgard word in die middel van die aarde aangetoon.
Asgard lê heel bo in die kosmogonie van nege wêrelde.

Asgard het twee groepe van godhede behels, Ase (hemelgode) en Wane (aardsgode). Die belangrikste Ase-godhede was die god van oorlog en die doderyk, Odin (Oudhoogduits: Wotan of Wodan), en die god van donder, Thor (Oudhoogduits: Donar, Angel-Saksies Þunar). Die beduidendste Wane was die twee vrugbaarheidsgode Njörd en Freya.

Die vlakte van Idavoll is in die middel van Asgard geleë. Die Ase ontmoet daar om oor belangrike kwessies te praat. Die manlike gode vergader in 'n saal genaamd Gladsheim, terwyl die vroulike godinne in 'n saal genaamd Vingólf ontmoet het.

Asgard is deur 'n onoorkomelike muur omring, wat deur 'n reus ná die oorlog met die Wane gebou is. Die enigste verbinding tussen Asgard en Midgard is oor die Bifröstbrug, 'n reënboogbrug wat deur Heimdall bewaak word.

Verwysings wysig

  1. "Asaheim" in die WAT. Aanlyn by viva-afrikaans.org (intekening nodig). Besoek op 1 Junie 2022.