Atcha
Atcha is 'n alternatiewe spelling van die Hindi-woord vir "piekel". Indiese piekels word van verskeie vorme van vars vrugte en groente gemaak; maar mango, suurlemoene en brandrissies is veral gewild. Volgens een van verskeie metodes om piekels te maak, word groente in lemmetjiesap, sout en speserye geweek. Hierdie mengsel word dan in die son gebak. Later word kookolie oor die gepekelde groente gegooi om dit te bewaar. Dit word meestal met kerries geëet.
Plaaslike variasies wysig
In Hindi, Oerdoe, Assamees, Bengaals, Sindhi en Pandjabi staan Atcha as Achaar bekend, in geskrewe vorm is hulle onderskeidelik अचार, اچار, আচাৰ, آچار/ کٽو, আচার en ਅਚਾਰ.
In Tamil staan Atcha as oorugaai (ஊறுகாய்) bekend. Die Marathi, Konkani en Gujarati woorde vir Atcha is lonache (लोणचे), adgai, en athāṇũ (અથાણું) onderskeidelik.
In Suid-Afrika staan dit net as Atcha bekend en party Suid-Afrikaners eet dit met brood.
