Australiese voetbal
Australiese reëls voetbal, ook bekend as Australiese voetbal,[1] of net voetbal of footy, is 'n kontaksport wat deur twee spanne van agtien spelers elk gespeel word op 'n ovaalvormige veld, dikwels 'n aangepaste krieketveld.
Oorsprong wysig
Die sport se oorsprong kan teruggevoer word na die voetbalwedstryde gespeel in Melbourne, Victoria in 1858, geïnspireer deur die Engelse openbare skool-voetbalwedstryde. Op soek na die ontwikkeling van 'n spel wat meer geskik is vir volwassenes en Australiese toestande, het die Melbourne Voetbalklub die eerste reëls van Australiese voetbal in Mei 1859 gepubliseer, dit maak dit die oudste van die wêreld se groot voetbalkodes.[2][3]
Enkele reëls wysig
Die belangrikste metode om punte aan te teken, is deur die ovaalvormige bal tussen twee hoë doelpale deur te skop. Die span met die hoogste telling aan die einde van die wedstryd wen, tensy dit gelykop is.
Tydens algemene spel, kan spelers hulself oral op die veld posisioneer en enige deel van hulle liggame gebruik om die bal te beweeg. Die primêre metodes is skop, handbal en hardloop met die bal. Daar is reëls oor hoe die bal hanteer kan word: byvoorbeeld, spelers wat hardloop met die bal moet met tussenposes dit op die grond bons. Gooi van die bal word nie toegelaat nie en 'n speler mag nie die bal lank vashou nie. 'n Onderskeidende kenmerk van die spel is die merk roep, waar 'n speler op enige plek op die veld wat 'n bal direk vanaf 'n skop vang, besit toegeken word.[4] Spelers kan met behulp van hul hande verdedig, of hulle hele liggaam gebruik om teenstanders te belemmer. Gevaarlike fisiese kontak (soos die stamp van 'n teenstander op die rug), inmenging by merkneem en die doelbewuste vertraging van die spel is strafbaar met vryskoppe, afstandstraf of skorsing vir 'n sekere aantal wedstryde, afhangende van die erns van die oortreding. Die spel lewer gereelde fisiese uitspoke, skouspelagtige merkvangste, vinnige beweging van beide spelers en die bal en 'n hoë telling.
Groot gewildheid in Australië wysig
Australiese voetbal het die hoogste toeskouerbywoning en tv-kykersgetal van alle sporte in Australië,[5][6] terwyl die Australian Football League (AFL), die sport se enigste ten volle professionele kompetisie, die land se rykste sportliggaam is.[7] Sy jaarlikse "Grand Final" is die klubkampioenskap gebeurtenis met die hoogste bywoning in die wêreld. Die sport word ook in baie lande op amateurvlak gespeel. Die spel se reëls word deur die AFL Commission met advies van die AFL se "Laws of the Game Committee" beheer.
Sien ook wysig
Verwysings wysig
- ↑ http://www.afl.com.au/afl-hq/the-afl-explained/about-the-afl.
- ↑ History Geargiveer 13 Desember 2007 op Wayback Machine Webblad van die Australian Football League
- ↑ Events That Shaped Australia. New Holland. 2006. p. 61. ISBN 978-1-74110-492-9.
- ↑ 2012 Laws of the game Geargiveer 22 Mei 2012 op Wayback Machine Section 14, p. 45
- ↑ Kwek, Glenda (26 Maart 2013)
- ↑ "AFL is clearly Australia’s most watched Football Code, while V8 Supercars have the local edge over Formula 1" Geargiveer 6 Augustus 2020 op Wayback Machine (14 Maart 2014), Roy Morgan
- ↑ "The richest codes in world sport: Forget the medals, these sports are chasing the gold" (8 Mei 2014).
