Autostrada A90
Autostrada A90 (Italiaans, «Snelpad A90»), ook Autostrada del Grande Raccordo Anulare (kort: GRA, «Groot Kringpadverbinding») genoem, is 'n kringsnelpad om die Italiaanse hoofstad Rome met 'n lengte van 68,2 km. Dit is - in teenstelling met die meeste ander snelpaaie in Italië - oor sy hele lengte tolvry. Sedert 1999 word die snelpad amptelik A90 genoem (alhoewel straatborde steeds na die GRA verwys).
Rolprentliefhebbers verbind die A90 met een van die tonele in Federico Fellini se outobiografiese rolprent Roma van 1972 waarin 'n reuse verkeersopeenhoping tydens 'n hewige stortreën uitgebeeld word - net soos 'n galopperende perd tussen die motors op pad na Rome.
Eksterne skakels wysig
- Media