Avalokitesvara (Sanskrit, "god wat neerkyk", Tibettaans: སྤྱན་རས་གཟིགས་, ras gzigs) is ’n bodhisattva wat die meelewing van alle boeddhas versinnebeeld. Hy word in verskillende kulture as óf manlik óf vroulik voorgestel.[1] In Chinese Boeddhisme het Avalokitesvara ’n effens ander vroulike figuur, Guanyin, geword en in Kambodja is hy bekend as Lokeśvara.

Avalokitesvara uitgebeeld met ’n lotusblom in sy hand. Nalanda, Bihar, Indië; 9de eeu.

Avalokitesvara is een van die bodhisattvas wat die meeste vereer word in die Mahayana-skool, asook nieamptelik in die Theravada-tradisie.[1] In Tibettaanse Boeddhisme word geglo die Dalai Lamas is reïnkarnasies van dié bodhisattva.

Verwysings wysig

  1. 1,0 1,1 Leighton, Taigen Dan (1998). Bodhisattva Archetypes: Classic Buddhist Guides to Awakening and Their Modern Expression. New York: Penguin Arkana. p. 158-205. ISBN 0140195564. OCLC 37211178.