Bakoe-staatsuniversiteit
Die Bakoe-staatsuniversiteit (BSU); (Azerbeidjans: Bakı Dövlət Universiteti (BDU)) is 'n openbare universiteit wat in Bakoe, Azerbeidjan geleë is. Dit is in 1919 deur die Parlement van die Azerbeidjanse Demokratiese Republiek gestig. Die universiteit het met die fakulteite van geskiedenis en filologie, fisika en wiskunde, en regte en geneeskunde begin, met 'n aanvanklike inskrywingsgetal van 1,094 studente.[1] Die eerste rektor was Vasili Razoemofski, 'n voormalige professor in sjirurgie aan die Kazan-universiteit.
| Bakoe-staatsuniversiteit | |
|---|---|
| Gestig: | 1919 |
| Tipe: | Openbare universiteit |
| Rektor: | Elchin Babayev |
| Fakulteite: | 1300 |
| Ligging: | Bakoe, Azerbeidjan |
| Kampus: | Stedelik |
| Webtuiste: | www.bsu.edu.az |
In 1930 het die regering die universiteit beveel om ooreenkomstig 'n herorganisasie van hoër onderwys in die land te sluit. Die universiteit is vervang met die Hoër Pedagogiese Instituut. Die universiteit is egter in 1934 weer gevestig, en het voortgegaan om deur die uitdagings van die Tweede Wêreldoorlog te funksioneer, wat 'n tekort aan genoegsame fakulteitslede ingesluit het.
Teen die universiteit se veertigste herdenking in 1959 het dit alreeds oor dertien fakulteite beskik. Die Azerbeidjanse Geneeskundige-universiteit en Azerbeidjanse Staatsuniversiteit vir Ekonomiese Studies het beide hul bestaan te danke aan die oorspronklike fakulteite by die BSU.
Onder die gegradueerdes van die BSU tel twee voormalige presidente van Azerbeidjan, Abulfaz Elchibey en Heydar Aliyev. Elchibey het van die fakulteit vir Arabiese Tale en Letterkunde gegradueer terwyl Aliyev, wat Azerbeidjan se politieke sfeer vir meer as dertig jaar gedomineer het, van die Fakulteit van Geskiedenis gegradueer het. Die fisikus Lev Landau het tussen 1922 en 1924 aan die BSU studeer.
Die BSU is die enigste universiteit van die Republiek Azerbeidjan wat op internasionale organisasies se ranglyste verskyn. Dit is tans in die 1872ste plek geleë op die ranglys vir akademiese prestasies.[2]
Geskiedenis wysig
Die BSU is op 1 September 1919 by wyse van 'n besluit van die Parlement van die Azerbeidjanse Demokratiese Republiek gestig. Die universiteit het aanvanklik vier fakulteite (geskiedenis en filologie, fisika en wiskunde, Regte, en Medies) gehad.
Van die voorste professore in die tydperk van 1920 tot 1940 was die Azerbeidjanse skrywer Abdurrahim bek Haqverdiyev; professor vir Oosterse studies P.K. Juze; professor A.O. Makovelski en professor A.O. Mishel. Gedurende hierdie tydperk het die administrasie lektore soos N.Y. Marr en V.V. Bartold na Bakoe genooi.
In 1930 is die universiteit gelikwideer ingevolge 'n besluit wat deur die raad van die kommissaris op herorganisasie geneem is. Die Hoër Pedagogiese Instituut is in die plek daarvan geskep. Die staatsuniversiteit het eers weer in 1943 sy werksaamhede hervat en gou die republiek se wetenskaplik-pedagogiese sentrum geword. Ten spyte van die groot tekort aan lektore, te wyte aan die Tweede Wêreldoorlog, kon die universiteit nogtans daarin slaag om sy gesaghebbende posisie te behou. In 1945 het die lektore 'n aktiewe deel in die stigting van die Azerbeidjanse Akademie van Wetenskap gespeel. Die meeste van die republiek se universiteite–soos byvoorbeeld die Azerbeidjanse Geneeskundige-universiteit, Azerbeidjanse Universiteit vir Ekonomie studies en die Azerbeidjanse Staat-pedagogiese-universiteit–is op dieselfde basis as dié van die Bakoe-staatsuniversiteit gestig.
Die universiteit het verder ontwikkel nadat Heydar Aliyev beheer verkry het. Modern vakkundige gebiede en departemente en wetenskaplike laboratoriums is by die universiteit in bedryf gestel. Met sy ryk historiese agtergrond was die Bakoe-staatsuniversiteit nog altyd 'n groot wetenskaplike en opvoedkundige sentrum van die Azerbeidjanse samelewing. Bekende wetenskaplikes, intellektuele en politici asook Azerbeidjan se bekendste politikus, Heydar Aliyev, het aan die universiteit gegradueer.[3] Die Bakoe-staatsuniversiteit bied tans 16 hoof studierigtings aan, met 25 BA-grade en 153 meestersgrade.
Internasionale verhoudinge wysig
Die universiteit het met verloop van tyd sy internasionale betrekkinge opgebou. Tans is die BSU lid van verskillende verenigings en instellings soos die Assosiasie van Universiteite van Eurasië, wat die meeste universiteite van die voormalige USSR verteenwoordig. Tussen 2002-2004 het BSU die vereniging van universiteite van die Swart See-state gelei. Verder het die universiteit ooreenkomste gesluit met die Moskouse-staatsuniversiteit, die Midde-Oosterse Tegniese-universiteit, Nice-Sofia Antipole-universiteit, Indiana-universiteit, Kijif- Nasionale Universiteit, Universiteit van Wene en andere.[3]
Die universiteit speel dikwels as gevolg van hierdie verbintenisse gasheer vir wetenskaplike konferensies en werkswinkels en publiseer ook handboeke.[3]
Fakulteit en institute wysig
Fakulteite wysig
- Toegepaste Wiskunde en Ekonomiese Kubernetika
- Fisika
- Meganika en Wiskunde
- Chemie
- Biologie
- Ekologie en Grondwetenskap
- Geologie
- Geografie
- Geskiedenis
- Filologie
- Teologie
- Internasionale Betrekkinge en Ekonomiese Studies
- Joernalisme
- Regte
- Oosterse Studies
- Maatskaplike Wetenskappe en Sielkunde
- Bibliotekaris-inligting.
wysig
- Wetenskaplike Navorsing van Toegepaste Wiskunde
- Instituut van Proleemoplossing van Teoretiese Fisika
Affiliasies wysig
Die universiteit is 'n lid van die Kaukasiese Universiteite-assosiasie.[4]
Alumni wysig
- Abulfaz Elchibey - 2de President van Azerbeidjan
- Heydar Aliyev - 3de President van Azerbeidjan
- Lev Landau - teoretiese fisikus
- Anar Baghirov - prokureur
- Ali Omarov - prokureur-generaal van die Republiek van Azerbeidjan
- Eldaniz E. Mammadov - wetenskaplike in die studieveld van biblioteekwetenskap en bibliografiese wetenskap
- Aslan Aslanov - Direkteur-generaal van die Azerbeidjanse Staatstelegraafagentskap
Sien ook wysig
Verwysings wysig
- ↑ "History of Baku State University" (in Russies). Geargiveer vanaf die oorspronklike op 30 April 2020. Besoek op 18 Julie 2015.
- ↑ "2014-2015 RANKING BY COUNTRY". Geargiveer vanaf die oorspronklike op 4 Maart 2016. Besoek op 18 Julie 2015.
- ↑ 3,0 3,1 3,2 "Baku State University, History" (in Tsjeggies). Geargiveer vanaf die oorspronklike op 20 Oktober 2019. Besoek op 4 Desember 2019.
- ↑ "Tüm Üyeler" (in Turks). Besoek op 18 Julie 2015.
Eksterne skakels wysig
| Wikimedia Commons bevat media in verband met Baku State University. |