Bamboesgordyn
Die bamboesgordyn is 'n kleurvolle uitdrukking wat verwys na die politieke afbakening tussen China en ander magtige lande, veral in die tyd toe Mao Zedong die leier was.[1] Mense in China en ander Asiatiese kommunistiese lande is as "agter die bamboesgordyn" beskryf. Die term is afgelei van die ystergordyn, wat Europa simbolies, ideologies en fisiek in twee verskillende gebiede verdeel het
Tydens China se Kulturele Rewolusie het owerhede dele van die bamboesgordyn afgesper, en kon mense nie die grense sonder toestemming van die Chinese regering oorsteek nie. Voornemende vlugtelinge wat probeer het om na kapitalistiese lande te vlug, is sodoende verhinder en ongewensde invloede is uitgehou. Tydelike verslapping van die maatreëls het tot verskeie golwe van vlugtelinge na die destydse Britse kroonkolonie van Hongkong gelei.
Betrekkinge tussen China en die Verenigde State van Amerika het teen die einde van die Koue Oorlog begin verbeter. Daarna het die term grootliks in onbruik verval, en word dit vandag selde gebruik.[2]
Sien ook wysig
Verwysings wysig
- ↑ HAT Taal-en-feitegids, Pearson, Desember 2013, ISBN 978-1-77578-243-8
- ↑ Jerry Vondas, "Bamboo Curtain Full of Holes, Pitt Profs Say After China Visits", Pittsburgh Press, 17 Oktober 1980.