Baxolile Nodada (gebore 2 April 1992) is 'n Suid-Afrikaanse politikus wat sedert Mei 2019 'n lid van die Nasionale Vergadering van Suid-Afrika is, waar hy die Demokratiese Alliansie verteenwoordig. Hy is tans die DA se skaduminister van basiese onderwys asook die parlementêre raadgewer van die leier van die opposisie John Steenhuisen.

Baxolile Nodada

Parlementêre Raadgewer van die Leier van die Opposisie
Ampsbekleër
Termynaanvang
5 Desember 2020
Leier John Steenhuisen
Voorafgegaan deur Solly Malatsi

Skaduminister van Basiese Onderwys
Ampsbekleër
Termynaanvang
5 Desember 2020
Leier John Steenhuisen
Voorafgegaan deur Nomsa Marchesi

Skadu-adjunkminister van Hoër Onderwys, Wetenskap en Tegnologie
Ampstermyn
5 Junie 2019 – 5 Desember 2020
Leier John Steenhuisen
Mmusi Maimane
Voorafgegaan deur Amp geskep
Opgevolg deur Annelie Lotriet

Ampsbekleër
Termynaanvang
22 Mei 2019

Persoonlike besonderhede
Gebore 2 April 1992 (1992-04-02) (31 jaar oud)
Aliwal-Noord, Kaapprovinsie, Suid-Afrika
Nasionaliteit Vlag van Suid-Afrika Suid-Afrika
Politieke party Demokratiese Alliansie
Alma mater Nelson Mandela-universiteit

Hy was vanaf 2019 tot 2020 die skadu-adjunkminister van hoër onderwys, wetenskap en tegnologie.

Biografie wysig

Nodada is in 1992 in Aliwal-Noord gebore..[1] Sy ouers het in 1993 geskei en sy moeder het hom en sy broers toe alleenlik grootgemaak.[2]

Nodada het by Hoërskool Hudson Park in Oos-Londen, Oos-Kaap, skoolgegaan waar hy op die Verteenwoordigende Raad van Leerders (VRL) gedien het. Nadat hy van die skool in 2010 gemtrikuleer het, het hy verder gaan studeer by Nelson Mandela-universiteit in Port Elizabeth. Hy het by DASO aangesluit en as die organisasie se eerste skretaris-generaal op die Suid-Kampus gedien. Nodada is in 2013 tot die studenteraad verkies.[1]

Tydens sy ampstermyn op die studenteraad, het hy as die adjunk sekretaris-generaal, die kultuurbeampte, die sekretaris-generaal en die hoofsweep gedien.[1] Hy was in 2014 en 2015 DASO se veldtogbestuurder by die universiteit.[1] Nodada het in 2015 die vise-kanselier se SR-lid van die jaar-toekenning ontvang.[1]

Nodada het in 2014 'n BA-graad in politieke wetenskap en ekonomie behaal en daarna in 2015 met 'n honneursgraad in openbare administrasie en konflik gegraudeer.[1]

Politieke loopbaan wysig

In 2016 is Nodada as die jongste raadslid van die Nelson Mandelabaai Metropolitaanse Munisipaliteit verkies.[1] Tydens sy ampstermyn op die stadsraad, het hy op die die begroting en tesourie sowel as ekonomiese ontwikkelingskomitees gedien.[3] Hy het in 2018 van die DA se jeugleierskapprogram gegradueer.[1]

Parlementêre loopbaan wysig

Nodada is in Maart 2019 as 'n DA-parlementskandidaat vir die algemene verkiesing op 8 Mei 2019 aangekondig.[4][5] Hy is tot die Nasionale Vergadering van Suid-Afrika verkies en op 22 Mei 2019 as 'n lid ingehuldig.[6][3][7] Hy is daarna deur DA-leier Mmusi Maimane as die party se adjunk-skaduminister van hoër onderwys, wetenskap en tegnologie aangewys.[8][9] Maimane het in Oktober 2019 as DA-leier bedank en John Steenhuisen is as die tussentydse partyleier verkies. Steenhuisen het Maimane se skadukabinet tydelik behou en Nodada in sy posisie gehou.[10]

Nodada het Steenhuisen se leierskapveldtog in 2020 ondersteun.[11] Nadat Steenhuisen tot 'n volle termyn as partyleier verkies is, is Nodada tot skaduminister van basiese onderwys en Parlementêre Raadgewer van die Leier van die Opposisie bevorder.[12] Nodada het op 11 Desember 2020 gesê dat die Noord-Gautengse hooggeregshof se besluit om die herskryf van twee uitgelekte matriekeksamenvraestelle tersyde te stel, 'n "verdoemende prentjie" van die departement van basiese onderwys se "onbevoegdheid" geskets het.[13]

Verwysings wysig

  1. 1,0 1,1 1,2 1,3 1,4 1,5 1,6 1,7 "class of 2018 - Democratic Alliance" (PDF). Besoek op 16 Desember 2020.
  2. Mkoto, Khanya. "A story of persistance, loss and victory". The Young Catalyst. Besoek op 16 Desember 2020.[dooie skakel]
  3. 3,0 3,1 Nkosi, Nomazima (22 Mei 2019). "Bay DA men off to Bhisho, parliament". HeraldLIVE. Besoek op 16 Desember 2020.
  4. "Democratic Alliance (DA) Candidates for the 2019 national election". People's Assembly. Besoek op 16 Desember 2020.
  5. "Democratic Alliance (DA) Candidates for the 2019 national election Eastern Cape". People's Assembly. Besoek op 16 Desember 2020.
  6. "SEE: These are the people who will represent you in Parliament, provincial legislatures". News24. 15 Mei 2019. Besoek op 16 Desember 2020.
  7. "Mandela Uni student sworn in as Member of Parliament - #R2bP". news.mandela.ac.za. 30 Mei 2019. Besoek op 16 Desember 2020.
  8. Head, Tom (5 Junie 2019). "DA's Shadow Cabinet: Dependables return, with a small hint of controversy". The South African. Besoek op 16 Desember 2020.
  9. "DA announces its new 'shadow cabinet'". The Citizen. 5 Junie 2019. Besoek op 16 Desember 2020.
  10. Merten, Marianne (25 Oktober 2019). "DA manoeuvres: Steenhuisen frontrunner for parliamentary leader as Trollip remains an NMB councillor". The Daily Maverick. Besoek op 16 Desember 2020.
  11. "DA conference: Who supports who?". The Citizen. 31 Oktober 2020. Besoek op 16 Desember 2020.
  12. Gerber, Jan (7 Desember 2020). "Steenhuisen's first shadow cabinet reshuffle". News24. Besoek op 16 Desember 2020.
  13. "'DBE's incompetence places exam results of 2020 matrics at risk' after court rewrite ruling". Independent Online (South Africa). 11 Desember 2020. Besoek op 16 Desember 2020.

Eksterne skakels wysig

Hierdie artikel is in sy geheel of gedeeltelik vanuit die Engelse Wikipedia vertaal.