Better Residents Association
Die Better Residents Association (voorheen die Bushbuckridge Residents Association) is 'n klein Suid-Afrikaanse politieke party wat deur ontevrede lede van die African National Congress gevorm is.
Dit beoog om die inwoners van die Bosbokrand-streek in Mpumalanga te dien.
Verkiesingsuitslae wysig
Die party het sy eerste setels op plaaslike regeringsvlak in die Suid-Afrikaanse munisipale verkiesing van 2011 gewen, en na die 2016 munisipale verkiesing setels in die Bosbokrand en Bela-Bela Plaaslike Munisipaliteite bekom.[1]
Die party het in die nasionale verkiesing van 2014 een setel in die Mpumalanga provinsiale wetgewer gewen. In die verkiesing het die party 15 271 stemme gekry maar geen nasionale setel nie. Die party het ook aan die Suid-Afrikaanse algemene verkiesing van 2019 deelgeneem.
Nasionale verkiesings wysig
| Verkiesing | Stemme | % | Setels |
|---|---|---|---|
| 2019[2] | 9 179 | 0,05 | 0 |
| 2014 | 15 271 | 0,08 | 0 |
Vigilantisme wysig
In Februarie 2017 het die party se president, Delta Mokoena, begin om sy 10-jaartronkstraf vir vigilantisme uit te dien. Hy is in 2013 skuldig bevind weens die dreigement om 'n inwoner en sy huis aan die brand te steek as die man, wat hy daarvan beskuldig het dat sy seun 'n dief was, nie die gebied verlaat nie. Die party word daarvan beskuldig dat dit 'n skrikbewind gevoer het, van boendoe-howe gebruik gemaak het, vermoedelik misdadigers gemartel het en inwoners verban het wat daarvan beskuldig is dat hulle hekse of Sataniste is.[3]
Verwysings wysig
- ↑ "Results Summary - All Ballots" (PDF). elections.org.za. Besoek op 11 Augustus 2016.
- ↑ "NPEDashboard" (in Engels). Geargiveer vanaf die oorspronklike op 19 Januarie 2020. Besoek op 11 Mei 2019.
- ↑ sama Yende, Sizwe. "President of 'vigilantic' political party jailed for intimidation". news24.com (in Engels). City Press. Geargiveer vanaf die oorspronklike op 25 Februarie 2017.
| Hierdie artikel is in sy geheel of gedeeltelik vanuit die Engelse Wikipedia vertaal. |
