Bhojpuri

Indo-Ariese taal in Noord Indië

Bhojpuri (𑂦𑂷𑂔𑂣𑂳𑂩𑂲, ) is 'n Indo-Ariese taal wat deur sowat 40 miljoen mense in Noord-Indië, Mauritius en Nepal gepraat word. Dit word hoofsaaklik in die Indiese deelstate Uttar Pradesh, Bihar en Jharkhand asook in Guyana, Mauritius, Suriname en Fidji gepraat. Bhojpuri word in Kaithi en Tirhuta geskryf, twee Brahmi-skrifte uit die Indiese skriffamilie, asook in Nastaliq, 'n Perso-Arabiese skrif.

Bhojpuri
𑂦𑂷𑂔𑂣𑂳𑂩𑂲 
Uitspraak: [ˈbʱoːdʒpʊriː]
Gepraat in: Vlag van Fidji Fidji
Vlag van Indië Indië
Vlag van Mauritius Mauritius
Vlag van Nepal Nepal
Vlag van Suid-Afrika Suid-Afrika 
Gebied: Suid-Asië
Totale sprekers: 40 miljoen[1]
Taalfamilie: Indo-Europees
 Indo-Irannees
  Indo-Aries
   Oos-Indo-Aries
    Bihari
     Bhojpuri 
Skrifstelsel: Kaithi 
Amptelike status
Amptelike taal in: Vlag van Fidji Fidji (as Fidjiaanse Hindi)
Vlag van Indië Indië

Vlag van Nepal Nepal

Gereguleer deur: geen
Taalkodes
ISO 639-1: geen
ISO 639-2: bho
ISO 639-3: bho 
Verspreiding van Bhojpuri
Die woord "bhōjapurī" in Devanagari-skrif
Die woord "bhōjapurī" in Kaithi-skrif

Bhojpuri behoort tot die Bihari-tale, d.w.s. tale wat nou verwant is aan Hindi en soms as dialekte van dié taal beskou word. Die Bihari-tale vorm 'n dialekkontinuum wat 'n presiese afbakening van enkele tale moeilik maak. Sedert Maart 2018 is Maithili een van die Indiese deelstaat Jharkhand se ampstale.[2] Aangesien alle inheemse moedertale van Nepal as nasionale tale erken word, dien Bhojpuri as een van Nepal se baie nasionale tale.

Bhojpuri word ook in Pakistan, Jamaika, Belize, dele van die Karibiese gebied en Suid-Afrika gepraat. Karibiese Hindoestani én Fidjiaanse Hindi het uit beide Awadhi en Bhojpuri ontwikkel. Fidjiaanse Hindi dien saam met Engels en Fidjiaans as die ampstale van die eilandnasie Fidji.[3]

Verwysings wysig

  1. (en) "Ethnologue: Languages of the World, Seventeenth edition, Bhojpuri". Ethnologue. Geargiveer vanaf die oorspronklike op 10 April 2020. Besoek op 21 Augustus 2020.
  2. (en) "Jharkhand gives second language status to Magahi, Angika, Bhojpuri and Maithili". Avenue Mail. 21 Maart 2018. Geargiveer vanaf die oorspronklike op 28 April 2020. Besoek op 21 Augustus 2020.
  3. (en) Dr. A. Tschentscher, LL. M. "Section 4 of Fiji Constitution". www.servat.unibe.ch. Geargiveer vanaf die oorspronklike op 29 April 2020. Besoek op 21 Augustus 2020.

Eksterne skakels wysig

 
Wikipedia
Sien gerus Wikipedia se uitgawe in Bhojpuri