Bloomsbury is 'n buurt in die Londense administratiewe distrik Borough of Camden wat in die 17de en 18de eeu deur die Russell-familie (met die hertog van Bedford as sy bekendste lid) tot 'n gesogte woongebied ontwikkel is.

Bloomsbury
Buurt
Bedford Square, een van Bloomsbury se tuinpleine
Bedford Square, een van Bloomsbury se tuinpleine
Bloomsbury is in Groter Londen
Bloomsbury
Bloomsbury
Koördinate: 51°31′34″N 0°07′04″W / 51.52611°N 0.11778°W / 51.52611; -0.11778
LandVlag van Verenigde Koninkryk Verenigde Koninkryk
Land Engeland
GraafskapGroter Londen
BoroughCamden
TydsoneUTC±00:00 (MGT)
 • SomertydUTC+01:00 (BST)
Poskode
WC1
Skakelkodes020
17 Bloomsbury Square, 'n 18de eeuse gebou wat aan die argitek John Nash toegeskryf word en historiese hoofkantor van die Royal Pharmaceutical Society of Great Britain, huisves tans die German Historical Institute London (GHIL) wat deel uitmaak van die Max Weber-stigting

Bloomsbury, wat tussen Euston Road en Holborn in westelike Sentraal-Londen geleë is, staan veral bekend vir sy tuinpleine of garden squares,[1] sy verbintenisse met die Engelse literatuur (waaronder die befaamde Bloomsbury-groep, 'n invloedryke kring van skrywers, intellektueles, filosowe en kunstenaars) en die verskeidenheid kulturele, opvoedkundige en geneeskundige instellings wat hier gesetel is. Alhoewel Bloomsbury nie die eerste Londense buurt was waar 'n formele plein aangelê is nie, was Bloomsbury-plein (Bloomsbury Square), wat in 1660 deur Thomas Wriothesley, 4de graaf van Southampton as Southampton Square aangelê is, nogtans die eerste plein of square waarna as sulks verwys is.

Naas sy Georgiaanse boukuns en tuinkultuur roep Bloomsbury as die setel van die befaamde Britse Museum en die Universiteit van Londen se Bloomsbury-kampus met altesaam 180 geboue by Londenaars ook die konnotasie van 'n sentrum van geleerdheid op.

Verwysings wysig

Eksterne skakels wysig

Toerisme

Geskiedenis

Kulturele geskiedenis

Stadsbeplanning