Die bloubos (Diospyros lycioides) is soms 'n klein boom maar kom eerder as 'n geronde, hoë struik voor. Die spesie is inheems in Angola, Botswana, Demokratiese Republiek die Kongo, Eswatini, Lesotho, Malawi, Mosambiek, Namibië, Zambië en Zimbabwe.

Bloubos
Wetenskaplike klassifikasie edit
Domein: Eukaryota
Koninkryk: Plantae
Klade: Tracheofiete
Klade: Angiospermae
Klade: Eudicots
Klade: Asterids
Orde: Ericales
Familie: Ebenaceae
Genus: Diospyros
Spesie:
D. lycioides
Binomiale naam
Diospyros lycioides
Desf., (1805)

Dit kom in die bosveld dwarsdeur 'n groot gedeelte van Suider-Afrika voor, maar is afwesig in die sentrale gedeelte van die Kalahari en Mosambiek asook van woestyn en fynbosplantegroei. Die blare is 15 – 17 mm lank en is dig eindstandig gebondel. Die blaarskyf is die breedste in die derde naaste aan die blaarpunt. Die blare is dofgroen met 'n geronde punt en 'n spitslopende basis. Die vrugte is byna bolvormig met vyf blywende kelklobbe wat sterk na agter buig. Identifikasie van die boom kan moeilik wees aangesien daar 'n paar soortgelyke bloubos- en sterappel-spesies is.

Die boom se FSA-nommer is 605.[1]

Subspesies wysig

Die spesie het vier subspesies:

  • Diospyros lycioides subsp. guerkei (Kuntze) De Winter
  • Diospyros lycioides subsp. lycioides
  • Diospyros lycioides subsp. nitens (Harv. ex Hiern) De Winter
  • Diospyros lycioides subsp. sericea (Bernh.) De Winter

Sien ook wysig

Verwysings wysig

Bronnelys wysig