Bobbejaan-se-dood

Bobbejaan-se-dood of gemsbokhoring (Sansevieria pearsonii) is 'n spesie in die genus Sansevieria in die divisie van bedeksadiges (blomdraende plante, Angiospermae) in die koninkryk van plante (Plantae) en is inheems aan Suid-Afrika. Dit kom in KwaZulu-Natal, Mpumalanga en Limpopo voor. Op die SANBI-rooilys word dit as 'veilig' (LC) gelys.[2]

Bobbejaan-se-dood
Wetenskaplike klassifikasie
Koninkryk:
Divisie:
(geen rang):
Orde:
Familie:
Subfamilie:
Genus:
Spesie:
S. pearsonii
Binomiale naam
Sansevieria pearsonii
N.E.Br.
Sinonieme
  • S. deserti N.E.Br.[1]
  • S. rhodesiana N.E.Br.

Dit is 'n meerjarige vetplant wat 1 m hoog kan word en 'n waaier van harde, geribde, silindriese blare het wat mekaar naby die grond oorvleuel. Die blare het 'n skerp punt. Die plant kry are van geurige, roomkleurige blommetjies wat gewoonlik in die nag oop is. Die vrugte is groot oranje bessies wat deur die voëls gewaardeer word. Dit groei goed in die skaduwee of halfskaduwee.[3] Die plant groei en versprei vanuit 'n wortelstok en kan groot kolonies vorm. Die blare word geoes omrede dit sterk vesels bevat wat tot tou verwerk word.[4]

Fotogalery wysig

Verwysings wysig

  1. "Plant List" (in Engels). Geargiveer vanaf die oorspronklike op 30 April 2020.
  2. "SANBI-rooilys" (in Engels). Geargiveer vanaf die oorspronklike op 30 April 2020.
  3. "Wild flower nursery" (in Engels). Geargiveer vanaf die oorspronklike op 1 Maart 2017.
  4. Useful tropical plants.